એક તરફ દેશમાં તાપમાનનો પારો 40 ડિગ્રીને પાર થઈ રહ્યો છે, ત્યારે આજે દેશના એક બે નહીં 17 રાજ્યોમાં આંધી સાથે વરસાદનું એલર્ટ આપવામાં આવ્યું છે. હવામાન વિભાગે 17 રાજ્યોમાં વાવાઝોડાની ચેતવણી જારી કરી છે. આ સમયગાળા દરમિયાન 80 કિલોમીટર પ્રતિ કલાકની ઝડપે પવન ફૂંકાઈ શકે છે. 28-29 મે દરમિયાન તાપમાનમાં 2 થી 8 ડિગ્રી સેલ્સિયસનો ઘટાડો થવાની ધારણા છે.
હવામાન વિભાગે ઉત્તર પ્રદેશ, બિહાર, રાજસ્થાન, પંજાબ, હરિયાણા, હિમાચલ પ્રદેશ અને મધ્ય પ્રદેશ સહિત 17 રાજ્યોમાં વાવાઝોડાની ચેતવણી જારી કરી છે. આ સમયગાળા દરમિયાન લગભગ 70 થી 80 કિલોમીટર પ્રતિ કલાકની ઝડપે ભારે પવન ફૂંકાઈ શકે છે. IMD અનુસાર, રાજસ્થાનને બાદ કરતાં ઉત્તરપશ્ચિમ, મધ્ય અને પૂર્વ ભારતમાં આગામી 2-3 દિવસમાં તાપમાનમાં 2 થી 8 ડિગ્રી સેલ્સિયસનો ઘટાડો થવાની ધારણા છે, જેનાથી ગરમીથી રાહત મળવાની ધારણા છે.
દરમિયાન, ઉત્તરપૂર્વ ભારતના કેરળ, તમિલનાડુ અને કર્ણાટકના કેટલાક ભાગોમાં ભારેથી અતિ ભારે વરસાદની ચેતવણી જારી કરવામાં આવી છે. આગામી થોડા દિવસોમાં આસામ, મેઘાલય, અરુણાચલ પ્રદેશ અને કેરળમાં ભારે વરસાદ, વાવાઝોડા અને વીજળી પડવાની સંભાવના છે. આગામી 2-3 દિવસમાં દક્ષિણ-પશ્ચિમ ચોમાસુ પૂર્વ-મધ્ય બંગાળની ખાડી અને આંદામાન સમુદ્રના બાકીના ભાગોમાં આગળ વધે તે માટે પરિસ્થિતિઓ અનુકૂળ છે.
હવામાન વિભાગના જણાવ્યા અનુસાર, આજે આસામ, મેઘાલય, અરુણાચલ પ્રદેશ, મિઝોરમ, ત્રિપુરા, બિહાર, ઝારખંડ, ઓડિશા, પશ્ચિમ બંગાળ, સિક્કિમ, પંજાબ, હરિયાણા, દિલ્હી, ઉત્તર પ્રદેશ, રાજસ્થાન, ઉત્તરાખંડ, હિમાચલ પ્રદેશ અને જમ્મુ અને કાશ્મીરમાં વરસાદની સંભાવના છે. વધુમાં, 28 મેથી ઉત્તરપશ્ચિમ ભારતને એક નવી પશ્ચિમી વિક્ષેપ અસર કરે તેવી સંભાવના છે.
જો કે ગુજરાતમાં આજે ન તો આંધી આવશે કે ન વરસાદ આવશે, ભેજવાળા ગરમ પવનના વાયરા ફૂંકાશે, તેને કારણે ઉકળાટ અને બફારો વધુ લાગશે.
About Team gujarat365
Gujarat 365 team.
