ભારતીય ખેલાડીઓએ એશિયન ગેમ્સમાં કબડ્ડી સ્પર્ધામાં પ્રભુત્વ મેળવ્યું હતું. ટીમ ઇન્ડિયાએ પુરુષ અને મહિલા બંને કેટેગરીમાં ગોલ્ડ મેડલ જીતવા સાથે, ભારત મેડલ ટેબલમાં પાંચમા સ્થાને પહોંચી ગયું છે.

પશ્ચિમ એશિયાઈ દેશ બહેરીનમાં યોજાયેલી એશિયન યુથ ગેમ્સમાં ભારતે શાનદાર પ્રદર્શન કર્યું છે. ગુરુવારે, દેશના યુવા ખેલાડીઓએ કબડ્ડીમાં બે ગોલ્ડ મેડલ જીતીને ઇતિહાસ રચ્યો હતો. છોકરાઓ અને છોકરીઓ બંને ટીમોએ ગોલ્ડ મેડલ જીત્યા હત, જેનાથી ભારત મેડલ ટેબલમાં પાંચમા સ્થાને પહોંચી ગયું છે. અત્યાર સુધીમાં, ભારતે બે ગોલ્ડ, ત્રણ સિલ્વર અને પાંચ બ્રોન્ઝ મેડલ (કુલ 10 મેડલ) જીત્યા છે.

એશિયન યુથ ગેમ્સમાં ભારતના મેડલ વિજેતાઓને જાણો:

• ગોલ્ડ (2) – છોકરાઓની કબડ્ડી, છોકરીઓની કબડ્ડી

• સિલ્વર (3) – કનિષ્ક બિધુરી (કુરાશ), રંજના યાદવ (5000 મીટર વોક), અંબુરે શૌર્ય (100 મીટર હર્ડલ્સ)

• બ્રોન્ઝ (5) – ખુશી (કુરાશ), અરવિંદ (કુરાશ), જાસ્મીન કૌર (શોટ પુટ), દેવાશીષ દાસ (તાઈક્વોન્ડો), યશ્વિની સિંહ-શિવાંશુ પટેલ (મિક્સ્ડ પેર પુમસે).

એશિયન ગેમ્સ મેડલ ટેબલ:

ક્રમ     દેશ         ગોલ્ડ      સિલ્વર    બ્રોન્ઝ     કુલ મેડલ

1        ચીન           6           10           1          17

2        થાઇલેન્ડ     6            2            2          10

3  ઉઝબેકિસ્તાન   6            1            2            9

4         ઈરાન        3            4            6           13

5        ભારત         2            3             5           10

એશિયન યુથ ગેમ્સમાં ભારતને કબડ્ડીમાં બે ગોલ્ડ મેડલ 

ડીવાય પાટિલ સ્પોર્ટ્સ એકેડેમી ખાતે રમાયેલી મહત્વપૂર્ણ વર્લ્ડ કપ મેચમાં ભારતીય મહિલા ક્રિકેટ ટીમે ડીએલએસ પદ્ધતિ હેઠળ ન્યુઝીલેન્ડને 53 રનથી હરાવ્યું હતું. આ જીત સાથે, ભારત સેમિફાઇનલમાં ક્વોલિફાય થનારી ચોથી ટીમ બની ગઈ છે. દક્ષિણ આફ્રિકા, ઇંગ્લેન્ડ અને ઓસ્ટ્રેલિયા પહેલાથી જ ક્વોલિફાય થઈ ચૂક્યા છે.

વરસાદથી પ્રભાવિત મેચમાં, ન્યુઝીલેન્ડને ડીએલએસ પદ્ધતિ હેઠળ 44 ઓવરમાં 325 રનનો લક્ષ્યાંક આપવામાં આવ્યો હતો. વિશાળ લક્ષ્યનો પીછો કરતા, ન્યુઝીલેન્ડે નિયમિત અંતરાલે વિકેટ ગુમાવી હતી. આનાથી રન રેટ પર અસર પડી, અને ટીમ ક્યારેય જીતતી દેખાતી ન હતી. પાંચમા નંબર પર બેટિંગ કરતી બ્રુક હેલિડેના 84 બોલમાં 81 રન અને સાતમા નંબર પર બેટિંગ કરતી વિકેટકીપર ઇઝી ગેજના 51 બોલમાં અણનમ 65 રનના કારણે, ન્યુઝીલેન્ડે નિર્ધારિત 44 ઓવરમાં 8 વિકેટે 271 રન બનાવ્યા હતા, પરંતુમેચ 53 રનથી હારી ગઈ હતી. ભારત તરફથી રેણુકા સિંહ અને ક્રાંતિ ગૌડે 2-2 વિકેટ લીધી હતી, જ્યારે સ્નેહ રાણા, એન. ચારણી, દીપ્તિ શર્મા અને પત્રિકા રાવલે 1-1 વિકેટ લીધી હતી.

આ પહેલા, ટોસ હારીને પ્રથમ બેટિંગ કર્યા બાદ, ભારતીય ટીમે 49 ઓવરમાં 3 વિકેટ ગુમાવીને 340 રન બનાવ્યા હતા. વરસાદને કારણે, ભારતીય ઇનિંગ્સ 50 ને બદલે 49 ઓવર સુધી મર્યાદિત રહી હતી. પ્રથમ બેટિંગ કરતા, પ્રતિકા રાવલે અને સ્મૃતિ મંધાનાએ ભારતીય ટીમને મજબૂત શરૂઆત આપી હતી. તેમણે પ્રથમ વિકેટ માટે 212 રનની ભાગીદારી કરી હતી.

સ્મૃતિ મંધાનાએ 95 બોલમાં 4 છગ્ગા અને 10 ચોગ્ગાની મદદથી 109 રન બનાવ્યા હતા. આ મંધાનાની ODI કારકિર્દીની 14મી સદી અને આ વર્ષની તેની 5મી સદી હતી. પ્રતિકા રાવલે 134 બોલમાં 13 ચોગ્ગા અને 2 છગ્ગાની મદદથી 122 રન,જેમીમા રોડ્રિગ્સે 55 બોલમાં 11 ચોગ્ગાની મદદથી અણનમ 76 રન બનાવ્યા હતા.

ટીમ ઇન્ડિયાનો વર્લ્ડ કપની સેમિફાઇનલમાં પ્રવેશ

ભારતની સ્ટાર રેસલર વિનેશ ફોગાટે ક્યુબાની યુસ્નેલિસને 5-0થી હરાવીને મહિલા કુશ્તી 50 કિગ્રા વજન વર્ગમાં ફાઇનલમાં જગ્યા બનાવી લીધી છે. આજે વિનેશ ફાઇનલમાં અમેરિકાની રેસલર સારાહ એન હિલ્ડેબ્રાન્ડ સામે રિંગમાં ઉતરશે. વિનેશ ફોગાટ ગોલ્ડ જીતી લાવે એવી ગુજરાત 365 ની શુભેચ્છા.

ફાઇનલમાં પહોંચીને વિનેશ ફોગટ કમસે કમ સિલ્વર મેડલ તો જીતી જ લાવશે. વિનેશ ફોગટે બ્રિજભૂષણ સામેની સ્ત્રી સન્માનની લડાઇ લડનારી વિનેશ ઈતિહાસ રચીને ગોલ્ડ જીતે એવી શુભેચ્છા દરેક દેશવાસીના હૈયે છે. ઓલિમ્પિકના 128 વર્ષના ઈતિહાસમાં વિનેશ ઓલિમ્પિક ફાઈનલમાં રમનારી પ્રથમ ભારતીય મહિલા કુસ્તીબાજ હશે. ક્યુબન કુસ્તીબાજ વિનેશની સામે સંઘર્ષ કરતી જોવા મળી હતી. સ્વાભાવિક રીતે જ તે શરૂઆતથી જ પરાજય સ્વીકારી રહી હોવાનું લાગતું હતું. યુસ્નેલિસ છેલ્લા 14 વર્ષમાં પહેલી વખત હારી છે. ઓલિમ્પિક વિજેતા પણ રહી છે, પરંતુ આજે વિનેશે તેની તાકાત દેખાડી દીધી હતી.

વિનેશે 3 મિનિટના પ્રથમ રાઉન્ડમાં 1-0ની લીડ મેળવી હતી. બીજા રાઉન્ડમાં, વિનેશે સારું ટેકડાઉન પ્રદર્શન કરીને વધુ 4 પોઈન્ટ મેળવ્યા. સમગ્ર મેચ દરમિયાન ભારતીય કુસ્તીબાજની સંરક્ષણાત્મક કુશળતા જોવા જેવી હતી. વિનેશે માત્ર શાનદાર રક્ષણાત્મક રમત જ દેખાડી એટલું જ નહીં પરંતુ વળતો હુમલો કરીને મેચ પર પ્રભુત્વ જમાવ્યું અને અંતે 5-0થી જીત મેળવી. વિનેશ હવે ફાઈનલ મેચમાં અમેરિકાની ટોકિયો ઓલિમ્પિકમાં કાંસ્ય ચંદ્રક વિજેતા સારાહ એન સામે ટકરાશે.

વિનેશ ફોગાટ ચોક્કસપણે ગોલ્ડ મેળવવાનું લક્ષ્ય રાખશે કારણ કે તેણે પ્રથમ રાઉન્ડની મેચમાં જ તેને હરાવીને ડિફેન્ડિંગ ઓલિમ્પિક ચેમ્પિયનને સ્તબ્ધ કરી દીધી હતી. વિનેશે તેની પ્રથમ રાઉન્ડની મેચમાં 4 વખતની વિશ્વ ચેમ્પિયન અને 2020 ટોકિયો ઓલિમ્પિકની સુવર્ણ ચંદ્રક વિજેતા યુઇ સુસાકીને 3-2 થી હરાવી હતી. ક્વાર્ટર ફાઈનલ મેચમાં તેણે યુક્રેનની ઓક્સાના લિવાચને 7-5થી હરાવી સેમિફાઈનલમાં પ્રવેશ કર્યો હતો.

વિનેશ ફોગાટ હવે 2016 રિયો ઓલિમ્પિકની નિરાશાને પાછળ છોડીને એક ઐતિહાસિક સિદ્ધિ હાંસલ કરવાની ખૂબ નજીક પહોંચી ગઈ છે. વિનેશે રિયો ઓલિમ્પિકની ક્વાર્ટર ફાઇનલમાં જગ્યા બનાવી હતી, પરંતુ ઘૂંટણની ઈજાને કારણે તે સ્પર્ધામાં આગળ વધી શકી નહોતી. તે સમયે વિનેશ પણ પેરિસ ઓલિમ્પિક 2024માં નિશા દહિયા સાથે જે રીતે મેટ પર બેસીને રડતી જોવા મળી હતી. વિનેશ હવે 7મી ઓગસ્ટે ફાઈનલ મેચ રમશે.

સલામ વિનેશ, ઓલિમ્પિક વિજેતાને પછાડી ફાઇનલમાં પહોંચી

ભારત માટે, સ્ટાર બેડમિન્ટન ખેલાડી લક્ષ્ય સેન પેરિસ ઓલિમ્પિકના 10મા દિવસે સોમવારે બ્રોન્ઝ મેડલ જીતી શકે છે. લક્ષ્યને રવિવારે મેન્સ સિંગલ્સની સેમિફાઇનલમાં ડેનમાર્કના વિક્ટર એક્સેલસન સામે હારનો સામનો કરવો પડ્યો હતો, પરંતુ તે હજુ પણ દેશ માટે બ્રોન્ઝ મેડલ જીતી શકે છે. સોમવારે મહિલાઓની 400 મીટરમાં કિરણ પહલ અને પુરુષોની 3000 મીટર સ્ટીપલચેસમાં અવિનાશ સાબલે પાસેથી વધુ સારા પ્રદર્શનની અપેક્ષા છે.

લક્ષ્ય સેને મેન્સ સિંગલ કેટેગરીની સેમિફાઇનલમાં પહોંચીને ઈતિહાસ રચ્યો હતો અને હવે તેની પાસે ઓલિમ્પિક મેડલ જીતનાર ભારતનો પ્રથમ પુરુષ બેડમિન્ટન ખેલાડી બનવાની સુવર્ણ તક છે. લક્ષ્યનો સોમવારે સાતમા ક્રમાંકિત મલેશિયાના લી જી જિયાનો સામનો થશે. જો તે મલેશિયાના આ ખેલાડીના પડકારને પાર કરવામાં સફળ રહેશે તો તે દેશને પેરિસ ગેમ્સનો ચોથો મેડલ અપાવશે.

પેરિસ ઓલિમ્પિકના 10મા દિવસે ભારતનું શેડ્યૂલ નીચે મુજબ છે...

- સ્કીટ મિશ્રિત ટીમ (લાયકાત): મહેશ્વરી ચૌહાણ અને અનંતજીત સિંહ નારુકા (બપોરે 12.30 વાગ્યાથી)

- મહિલા ટીમ પ્રી-ક્વાર્ટર ફાઈનલ: ભારત વિ રોમાનિયા (1.30 વાગ્યા પછી)

- મહિલા 400 મીટર (પ્રથમ રાઉન્ડ): કિરણ પહલ (હીટ ફાઇવ) (3.25 વાગ્યા પછી)

- પુરુષોની 3000 મીટર સ્ટીપલચેઝ (રાઉન્ડ 1): અવિનાશ સાબલે (હીટ 2) (રાત્રે 10.35 વાગ્યા પછી)

- મહિલા ડીંગી રેસ 9: નેત્રા કુમાનન (બપોરે 3.45 વાગ્યાથી)

- પુરુષોની ડીંગી રેસ 9: વિષ્ણુ સરવણન (સાંજે 6.10 વાગ્યાથી)

- મેન્સ સિંગલ બ્રોન્ઝ મેડલ મેચ: લક્ષ્ય સેન વિ લી જી જિયા (મલેશિયા) (સાંજે 6.00 વાગ્યાથી)

- મહિલા ફ્રીસ્ટાઇલ 68 કિગ્રા - રાઉન્ડ ઓફ 16 - નિશા (સાંજે 6:30)

- મહિલા ફ્રી સ્ટાઇલ 68 કિગ્રા - ક્વાર્ટર ફાઇનલ - નિશા (સાંજે 7:50) (જો ક્વોલિફાઇંગ થાય તો)

-મહિલા ફ્રીસ્ટાઇલ 68 કિગ્રા-સેમિફાઇનલ-નિશા (1:10 કલાકે) (ક્વોલિફાય થાય તો)

આજે ઓલિમ્પિકમાં ભારતને ચંદ્રક મળી શકે

ભારતીય મહિલા ક્રિકેટ ટીમની ઓપનર સ્મૃતિ મંધાનાએ ઇતિહાસ રચ્યો છે. મંધાના એક દિવસીય ક્રિકેટ મેચફોર્મેટમાં એક કેલેન્ડર વર્ષમાં 1,000 રન બનાવનારી પ્રથમ મહિલા બની છે.

સ્મૃતિ મંધાનાએ ICC મહિલા ODI વર્લ્ડ કપ 2025 ની 13મી મેચમાં ઓસ્ટ્રેલિયા સામે રમતી વખતે આ સિદ્ધિ મેળવી હતી. તેણીએ 2025 માં અત્યાર સુધી કુલ 18 મેચ રમી છે. ઓસ્ટ્રેલિયાની બેલિન્ડા ક્લાર્ક આ યાદીમાં બીજા ક્રમે છે, તેણે 1997 માં 16 મેચની 14 ઇનિંગ્સમાં 80.83 ની સરેરાશથી 970 રન બનાવ્યા હતા. જ્યારે આ યાદીમાં ત્રીજા ક્રમે ઇંગ્લેન્ડની લૌરા વોલ્વાર્ડટે 2022 માં 18 ODI માં 882 રન કર્યા હતા.

આ યાદીમાં ચોથા ક્રમે 1997 માં 16 વનડેમાં 62.85 ની સરેરાશથી 880 રન બનાવનાર ડેબોરાહ હોકલી છે, જ્યારે 2016 માં 15 મેચની 14 ઇનિંગ્સમાં 85.30 રનની સરેરાશથી 852 રન બનાવનાર એમી સેટરથવેટ પાંચમા ક્રમે છે.

સ્મૃતિ મંધાનાએ આ વર્ષે આયર્લેન્ડ, શ્રીલંકા અને ઓસ્ટ્રેલિયા સામે ચાર સદી ફટકારી છે. આ વર્લ્ડ કપમાં તેણીએ 8, 23 અને 23 રન બનાવ્યા છે.

ભારત-ઓસ્ટ્રેલિયા વચ્ચે ચાલી રહેલી મેચમાં ઓસ્ટ્રેલિયાએ ટોસ જીતીને ટીમ ઈન્ડિયાને પ્રથમ બેટિંગ માટે આમંત્રણ આપ્યું છે. ભારતીય ટીમ આ વર્લ્ડ કપમાં ત્રણમાંથી બે મેચ જીતીને ત્રીજા સ્થાને છે. ટીમ ઈન્ડિયાએ ડકવર્થ-લુઈસ પદ્ધતિનો ઉપયોગ કરીને શ્રીલંકા સામેની પોતાની પહેલી મેચ 59 રનથી જીતી હતી. ત્યારબાદ, તેણે પાકિસ્તાનને 88 રનથી હરાવ્યું હતું. જોકે, ભારત દક્ષિણ આફ્રિકા સામે પોતાની ત્રીજી મેચ ત્રણ વિકેટથી હારી ગયું હતું.

બીજી તરફ, ઓસ્ટ્રેલિયા પોતાની ત્રણ મેચમાંથી બે જીતીને પોઈન્ટ ટેબલમાં બીજા સ્થાને છે. તેણે પોતાની પહેલી મેચમાં ન્યુઝીલેન્ડને 89 રનથી હરાવ્યું હતું, ત્યારબાદ શ્રીલંકા સામે ડ્રો રહ્યો હતો. ઓસ્ટ્રેલિયાએ ત્રીજી મેચમાં પાકિસ્તાનને 107 રનથી હરાવ્યું હતું.

સ્મૃતિ મંધાનાએ એવું તે શું કર્યું કે દુનિયાના પહેલી મહિલા ક્રિકેટર બની ગઈ  

ભારતે ચેમ્પિયન્સ ટ્રોફીના ગ્રુપ સ્ટેજમાં ન્યુઝીલેન્ડનેહરાવીને સેમીફાઈનલમાં સ્થાન મેળવી લીધું છે. હવે સેમીફાઈનલમાંભારતનો મુકાબલો ઓસ્ટ્રેલિયા સાથે થશે. ભારત અને ઓસ્ટ્રેલિયા વચ્ચે ચેમ્પિયન્સ ટ્રોફીની સેમિફાઇનલ મેચ 4 માર્ચે રમાશે. મેચ ભારતીય સમય મુજબ બપોરે 2:30 વાગ્યે શરૂ થશે, ટોસ બપોરે 2 વાગ્યે થશે.

ચેમ્પિયન્સ ટ્રોફી 2025 ની શરૂઆત ભારતે બાંગ્લાદેશને હરાવીને કરી હતી. 6 વિકેટથી હરાવ્યા બાદ, ભારતે પાકિસ્તાનને પણ 6 વિકેટથી હરાવ્યું હતું. ન્યૂઝીલેન્ડ સામેની ત્રીજી મેચમાં ભારત44 રનથી જીત્યું છે. ચેમ્પિયન્સ ટ્રોફીમાં ટીમ ઈન્ડિયાએ અત્યાર સુધી રમાયેલી બધી મેચ સરળતાથી જીતી લીધી છે.

રોહિત શર્મા ત્રણેય મેચમાં ટોસ હારી ગયો હતો પરંતુ તેણે બધી મેચ સરળતાથી જીતી લીધી હતી. તેણે લક્ષ્યનો પીછો કરતી વખતે તેની શરૂઆતની બંને મેચ જીતી હતી, જ્યારે ન્યુઝીલેન્ડ સામે તે પહેલા બેટિંગ કરતી વખતે જીતી હતી. હવે, તેઓ સેમિફાઇનલમાં ઓસ્ટ્રેલિયા સામે ટકરાશે.ચેમ્પિયન્સ ટ્રોફી 2025 ની સેમિફાઇનલમાં ભારત અને ઓસ્ટ્રેલિયા વચ્ચે પહેલી સેમિફાઇનલ અને દક્ષિણ આફ્રિકા અને ન્યુઝીલેન્ડ વચ્ચે બીજી સેમિફાઈનલ રમાશે.ભારત અને ઓસ્ટ્રેલિયા વચ્ચેની સેમિફાઇનલ મેચ પણ દુબઈના દુબઈ ઇન્ટરનેશનલ ક્રિકેટ સ્ટેડિયમમાં રમાશે.

ચેમ્પિયન્સ ટ્રોફીની સેમીફાઈનલમાં ભારત કોની સામે રમશે ?

ઓસ્ટ્રેલિયાએ ICC મેન્સ ચેમ્પિયન્સ ટ્રોફી 2025 ના સેમિફાઇનલમાં પોતાનું સ્થાન નિશ્ચિત કરી લીધું છે.જો કે આજે ભારત અને ન્યૂઝીલેન્ડ તેમજ ઈંગ્લેન્ડ અને દક્ષિણ આફ્રિકા વચ્ચે મેચ રમાશે, એ પછી સેમીફાઈનલના દાવેદાર નક્કી થશે. શુક્રવારે અફઘાનિસ્તાન અને ઓસ્ટ્રેલિયા વચ્ચેની મેચમાં વરસાદ વિલન બન્યો હતો.

શુક્રવારે લાહોરના ગદ્દાફી સ્ટેડિયમ ખાતે ઓસ્ટ્રેલિયા અને અફઘાનિસ્તાન વચ્ચેની મેચ વરસાદને કારણે રદ કરવામાં આવી હતી. પ્રથમ બેટિંગ કરતા, અફઘાનિસ્તાને 50 ઓવરમાં ઓલઆઉટ થતાં પહેલા 273 રન બનાવ્યા. ૨૭૪ રનના લક્ષ્યાંકનો પીછો કરતા ઓસ્ટ્રેલિયાએ ૧૨.૫ ઓવરમાં એક વિકેટ ગુમાવીને ૧૦૯ રન બનાવ્યા હતા ત્યારે વરસાદ શરૂ થયો અને મેચ રોકી દેવામાં આવી. લાંબી રાહ જોયા પછી પણ મેચ ફરી શરૂ થઈ શકી નહીં અને અમ્પાયરોએ મેચ રદ કરવાનો નિર્ણય લીધો.

આ મેચ ડ્રો થયા બાદ, ઓસ્ટ્રેલિયા અને અફઘાનિસ્તાનને 1-1 પોઈન્ટ આપવામાં આવ્યા. જે બાદ ઓસ્ટ્રેલિયાએ 4 પોઈન્ટ સાથે સેમિફાઈનલમાં પોતાનું સ્થાન નિશ્ચિત કરી લીધું છે. અફઘાનિસ્તાનના 3 મેચ બાદ ફક્ત 3 પોઈન્ટ છે અને તેમનો નેટ રન રેટ પણ ખૂબ ઓછો છે. આ સ્થિતિમાં, તે સેમિફાઇનલની રેસમાંથી બહાર થઈ ગઈ. ઓસ્ટ્રેલિયાએ પહેલી મેચમાં ઇંગ્લેન્ડને હરાવ્યું હતું જ્યારે દક્ષિણ આફ્રિકા સામેની બીજી મેચ વરસાદને કારણે રદ કરવામાં આવી હતી. ત્રીજો મેચ પૂર્ણ થઈ શક્યો નહીં અને તેમને 3 મેચમાં 4 પોઈન્ટ મળ્યા અને તેઓ પોઈન્ટ ટેબલમાં પણ પ્રથમ સ્થાને આવી ગયા છે.

ટુર્નામેન્ટની પહેલી સેમિફાઇનલ 4 માર્ચે અને બીજી સેમિફાઇનલ 5 માર્ચે રમાશે. આ પહેલા શનિવારે ઈંગ્લેન્ડ વિરુદ્ધ દક્ષિણ આફ્રિકા અને ભારત વિરુદ્ધ ન્યુઝીલેન્ડ વચ્ચે મેચ રમાશે.

ઓસ્ટ્રેલિયા સામે અફઘાનિસ્તાન કેમ ઘૂંટણીયે પડ્યું, જાણો રહસ્ય  

બે વખતની ઓલિમ્પિક મેડલ વિજેતા પીવી સિંધુએ લગ્ન પછીની પોતાની પહેલી ઇવેન્ટમાં જીત સાથે શરૂઆત કરી, અને BWF ઇન્ડિયા ઓપનના બીજા રાઉન્ડમાં પ્રવેશ કર્યો હતો. મંગળવારે ભારત માટે મિશ્ર દિવસ રહ્યો કારણ કે પાંચમી ક્રમાંકિત મહિલા ડબલ્સ જોડી ત્રિશા જોલી અને ગાયત્રી ગોપીચંદ સુપર 750 ઇવેન્ટમાંથી બહાર થઈ ગઈ હતી.

તાજેતરમાં ફોર્મ અને રેન્કિંગમાં ઘટાડાને દૂર કરીને ટોચના 10 માં પાછા ફરવાની પીવી સિંધુ આશા રાખી રહી છે.તેણે નવી દિલ્હીના ઇન્દિરા ગાંધી ઇન્ડોર સ્ટેડિયમમાં મહિલા સિંગલ્સ રાઉન્ડ ઓફ 32 માં 51 મિનિટની મેચમાં ચાઇનીઝ તાઈપેઈની સુંગ શુઓ યુનને ૨૧-૧૪, ૨૨-૨૦ થી હરાવી હતી.

કોમનવેલ્થ ગેમ્સની બ્રોન્ઝ મેડલ વિજેતા ત્રિશા અને ગાયત્રીને બિનક્રમાંકિત જાપાની જોડી અરિસા ઇગારાશી અને આયાકો સાકુરામોટો સામે 21-23, 19-21 થી ભારે સંઘર્ષપૂર્ણ મુકાબલામાં હારનો સામનો કરવો પડ્યો હતો.

પીવી સિંધુએ લગ્ન પછી એવું તે શું કર્યું કે ચર્ચામાં આવી ગઈ, જાણો

ભારતીય ટીમને વર્લ્ડ ટેસ્ટ ચેમ્પિયનશિપની ફાઇનલમાં પહોંચવા માટે એક કોઠો ભેદવો પડશે. વર્લ્ડ ટેસ્ટ ચેમ્પિયનશિપની ફાઈનલમાં પહોંચવા માટે ભારતે ઓસ્ટ્રેલિયન ટીમને 4-1થી હરાવવી પડશે. ટીમ ઈન્ડિયા ઓસ્ટ્રેલિયામાં આજ સુધી કોઈપણ શ્રેણીમાં 2થી વધુ મેચ જીતી શકી નથી. આ વખતે ઘરઆંગણે 3-0થી હારી ગયેલી ટીમ ઈન્ડિયા પાસેથી ઐતિહાસિક પ્રદર્શનની અપેક્ષા રાખવી સ્વપ્ન સમાન લાગી રહી છે.

જો કે, જ્યારે ટીમ ઈન્ડિયાએ 2018-19માં પ્રથમ વખત ટેસ્ટ સિરીઝ જીતી હતી, ત્યાર બાદ ભારતે ખાસ કાઠું કાઢ્યું નથી. ભારતીય ટીમે 1947-48માં પ્રથમ વખત ઓસ્ટ્રેલિયાનો પ્રવાસ કર્યો હતો. ટીમ ઈન્ડિયાએ 5 મેચની શ્રેણીમાં 4-0થી હારનો સામનો કરવો પડ્યો હતો. ઓસ્ટ્રેલિયા સામે ભારતની પ્રથમ જીત 1959-60 શ્રેણીમાં મળી હતી, જો કે એ સીરીઝ ભારતની ધરતી પણ રમાઈ હતી.

ભારતે 1980-81ની ટેસ્ટ શ્રેણી 1-1થી ડ્રો કરી હતી. આ પહેલો પ્રસંગ હતો જ્યારે ટીમ ઈન્ડિયા ઓસ્ટ્રેલિયામાં ટેસ્ટ સિરીઝ ન હારી હોય. 2018-19માં ભારતીય ટીમે વિરાટ કોહલીની કપ્તાનીમાં ઓસ્ટ્રેલિયા સામે તેની પ્રથમ શ્રેણી જીતી હતી. ભારતે 4 મેચની શ્રેણી 2-1થી જીતી લીધી છે. જ્યારે ભારતે 2020-21માં ફરીથી ઓસ્ટ્રેલિયાનો પ્રવાસ કર્યો હતો, ત્યારે તેણે સમાન અંતરથી શ્રેણી જીતી હતી. આ શ્રેણી જીત પહેલા કરતા વધુ ખાસ હતી કારણ કે આ પ્રવાસની પ્રથમ મેચમાં ટીમ ઈન્ડિયા માત્ર 36 રનમાં ઓલઆઉટ થઈ ગઈ હતી. જે બાદ વિરાટ એન્ડ કંપનીએ શાનદાર વાપસી કરીને શ્રેણી 2-1થી કબજે કરી હતી.

આ વખતે વર્લ્ડ ટેસ્ટ ચેમ્પિયનશિપની ફાઇનલમાં પહોંચવા માટે ટીમ ઇન્ડિયાને બોર્ડર ગાવસ્કર ટ્રોફીમાં 4 મેચ જીતવી જરૂરી છે. સવાલ એ છે કે જે ટીમ આજ સુધી પ્રવાસમાં 3 મેચ પણ જીતી શકી નથી, તેની પાસે 4 મેચ જીતવાની અપેક્ષા રાખવી શું બેઈમાની નથી? જો કે ભારતે ઘણી વખત ઓસ્ટ્રેલિયાને ઘરઆંગણે 4-0થી હરાવ્યું છે, પરંતુ ઓસ્ટ્રેલિયામાં આટલી મોટી જીત માત્ર એક સ્વપ્ન જ લાગે છે.

તો જ ભારત વર્લ્ડ ટેસ્ટ ચેમ્પિયન બની શકશે !  

ભારતના પેરા જુડો ખેલાડી કપિલ પરમારે શાનદાર પ્રદર્શન કરીને બ્રોન્ઝ મેડલ જીત્યો હતો. કપિલે પુરુષોની 60 કિગ્રા જે1 ઈવેન્ટની બ્રોન્ઝ મેડલ મેચમાં બ્રાઝિલના એલિટોન ડી ઓલિવિરાને 10-0થી હરાવ્યો હતો અને બ્રોન્ઝ મેળવવામાં સફળ રહ્યો હતો.

કપિલે ઈતિહાસ પણ રચ્યો કારણ કે તે પેરાલિમ્પિક્સ કે ઓલિમ્પિકમાં મેડલ જીતનાર ભારતનો પહેલો જુડોકા છે. આ રીતે ભારતે પેરિસ પેરાલિમ્પિકમાં તેની મેડલ સંખ્યા 25 પર પહોંચી ગઈ છે. ભારતે પેરિસ ગેમ્સમાં અત્યાર સુધીમાં પાંચ ગોલ્ડ, નવ સિલ્વર અને 11 બ્રોન્ઝ મેડલ જીત્યા છે.

પરમારે 2022 એશિયન ગેમ્સમાં આ જ કેટેગરીમાં સિલ્વર મેડલ જીત્યો હતો. તેણે ક્વાર્ટર ફાઇનલમાં વેનેઝુએલાના માર્કો ડેનિસ બ્લેન્કોને 10-0થી હરાવ્યો, પરંતુ સેમિફાઇનલમાં ઇરાનના એસ બનિતાબા ખોરમ અબાદી સામે હારી ગયો હતો. પરમારને બંને મેચમાં એક-એક યલો કાર્ડ મળ્યું હતું. આજે કપિલ ભલે ગોલ્ડ ન લાવી શક્યો પરંતુ તે બ્રોન્ઝ મેડલ જીતવામાં સફળ રહ્યો હતો. તે જ સમયે, મહિલાઓની 48 કિગ્રા J2 વર્ગની ક્વાર્ટર ફાઇનલમાં, ભારતની કોકિલાને કઝાકિસ્તાનની અકમરલ નૌતબેક સામે 0-10થી હારનો સામનો કરવો પડ્યો હતો.

ભારતની પેરાલિમ્પિકમાં પહેલી વખત સૌથી વધુ મેડલ જીતી લીધા છે. હજુ બે દિવસ બાકી છે, ત્યારે કેટલા મેડલો જીતી લેશે, એ સમય જ કહેશે.

પેરાલિમ્પિકમાં ભારતે 25 મેડલ જીતી લઈ વિક્રમ સર્જ્યો

ભારતના સ્ટાર જેવલિન થ્રોઅર નીરજ ચોપરાએ પેરિસ ઓલિમ્પિકમાં 89.45 મીટરના શ્રેષ્ઠ થ્રો સાથે સિલ્વર મેડલ જીત્યો હતો. પાકિસ્તાનના અરશદ નદીમે 92.97 મીટરના રેકોર્ડ થ્રો સાથે ગોલ્ડ મેડલ જીતવામાં સફળતા મેળવી હતી. ભારતના સ્ટાર જેવલિન થ્રોઅર નીરજ ચોપરાએ પેરિસ ઓલિમ્પિકમાં 89.45 મીટરના શ્રેષ્ઠ થ્રો સાથે સિલ્વર મેડલ જીત્યો હતો. આ સિઝનમાં નીરજનું સર્વશ્રેષ્ઠ પ્રદર્શન છે. આ રજત ચંદ્રક સાથે નીરજ આઝાદી બાદ એથ્લેટિક્સમાં બે ઓલિમ્પિક મેડલ જીતનાર પ્રથમ ભારતીય એથ્લેટ બની ગયો છે.

ટોક્યો ઓલિમ્પિક્સનો સુવર્ણ ચંદ્રક વિજેતા ભારતીય એથ્લેટ નીરજ ચોપરા પેરિસમાં તેના પ્રદર્શનનું પુનરાવર્તન કરી શક્યો નહીં અને તેને સિલ્વર મેડલથી સંતોષ માનવો પડ્યો. પાકિસ્તાનના નદીમે બીજા પ્રયાસમાં 92.97 મીટરનો રેકોર્ડ ફેંકીને ગોલ્ડ મેડલ જીત્યો હતો. તે જ સમયે, નીરજ ચોપરાએ બીજા પ્રયાસમાં 89.45 મીટરના શ્રેષ્ઠ થ્રો સાથે સિલ્વર જીત્યો અને ગ્રેનાડાના એન્ડરસન પીટર્સ 88.54 મીટરના શ્રેષ્ઠ થ્રો સાથે ત્રીજા સ્થાને રહ્યા. નીરજ અને નદીમે ફાઉલથી શરૂઆત કરી હતી, પરંતુ પાકિસ્તાનના નદીમે બીજા પ્રયાસમાં ઓલિમ્પિક રેકોર્ડ તોડીને પોતાનો દાવો મજબૂત કર્યો હતો. નીરજે બીજા પ્રયાસમાં પણ પોતાની સિઝનનું સર્વશ્રેષ્ઠ પ્રદર્શન આપ્યું હતું, પરંતુ તે નદીમથી આગળ નીકળી શક્યો નહોતો.

નીરજ ચોપરા ભલે ગોલ્ડ મેડલનો સફળતાપૂર્વક બચાવ કરી શક્યા ન હોય, પરંતુ તે ઓલિમ્પિકમાં બે મેડલ જીતનાર ચોથો ભારતીય ખેલાડી બની ગયો છે. નીરજ પહેલા માત્ર કુસ્તીબાજ સુશીલ કુમાર, બેડમિન્ટન સ્ટાર પીવી સિંધુ અને શૂટર મનુ ભાકર આ સિદ્ધિ મેળવી શક્યા હતા. સુશીલ કુમારે 2008માં બ્રોન્ઝ મેડલ અને 2012 લંડન ઓલિમ્પિકમાં 66 કિગ્રા વજન વર્ગમાં સિલ્વર મેડલ જીત્યો હતો, જ્યારે સિંધુએ 2016 રિયો ઓલિમ્પિકમાં સિલ્વર મેડલ અને ટોક્યો 2020માં મહિલા સિંગલ ઈવેન્ટમાં બ્રોન્ઝ મેડલ જીત્યો હતો. મહિલા શૂટર મનુ ભાકરે પેરિસ ઓલિમ્પિકમાં જ વ્યક્તિગત અને મિશ્ર સ્પર્ધાઓમાં બ્રોન્ઝ મેડલ જીત્યો હતો.

નીરજ ચોપરાએ ભાલાફેંકમાં સિલ્વર મેડલ જીતી વિક્રમ રચ્યો

ભારતીય હોકી ટીમે પેરિસ ઓલિમ્પિકમાં બ્રોન્ઝ મેડલ જીત્યો છે. કેપ્ટન હરમનપ્રીત સિંહની ટીમે સ્પેનને 2-1થી હરાવીને બ્રોન્ઝ મેડલ જીતી લીધો છે.. ટોક્યોમાં યોજાયેલી છેલ્લી ઓલિમ્પિક ગેમ્સમાં પણ ભારતે બ્રોન્ઝ મેડલ જીત્યો હતો..

ભારત માટે હરમનપ્રીતે 30મી અને 34મી મિનિટે ગોલ કર્યા હતા. આ રીતે 52 વર્ષ બાદ સતત બે ઓલિમ્પિકમાં બેક ટુ બેક મેડલ આવ્યા છે. આ પહેલા ભારતે 1968 મેક્સિકો ઓલિમ્પિક અને 1972 મ્યુનિક ઓલિમ્પિકમાં બ્રોન્ઝ મેડલ જીત્યા હતા. આ રીતે વર્તમાન ઓલિમ્પિકમાં ભારતના મેડલની સંખ્યા ચાર થઈ ગઈ છે. આ પહેલા જર્મનીએ સેમીફાઈનલમાં ભારતને હરાવીને 60 વર્ષ બાદ ગોલ્ડ મેડલ જીતવાનું સપનું તોડ્યું હતું.

ભારત અને સ્પેન વચ્ચેની બ્રોન્ઝ મેડલ મેચનો પ્રથમ ક્વાર્ટર ગોલ રહિત રહ્યો હતો. આ ક્વાર્ટર ફાઈનલમાં બંને ટીમોએ ગોલ કરવા માટે આક્રમક અભિગમ અપનાવ્યો હતો, પરંતુ કોઈને સફળતા મળી ન હતી. ભારતે બીજા ક્વાર્ટરની ત્રીજી મિનિટે જ ગોલ કરીને લીડ મેળવી લીધી હતી. ભારતીય ટીમનું ડિફેન્સ સ્પેનિશ સ્ટ્રાઈકરને રોકવામાં નિષ્ફળ રહ્યું હતું. આ રીતે ભારતીય ટીમ મેચમાં 1-0થી પાછળ રહી ગઈ છે. બીજા ક્વાર્ટરની 13મી મિનિટે સ્પેનનો મિલ્ને પેનલ્ટી કોર્નર ચૂકી ગયો હતો. આ સમય દરમિયાન ભારત પાસે ગોલ કરીને સ્કોર 1-1થી બરાબર કરવાનો મોકો હતો, પરંતુ સ્પેનિશ ગોલકીપરે ડહાપણ બતાવીને ભારતીય હુમલાને નિષ્ફળ બનાવ્યો હતો.

ભારતના સુકાની હરમનપ્રીતે બીજા ક્વાર્ટરની છેલ્લી મિનિટની બાકી રહેલી થોડી સેકન્ડોમાં પેનલ્ટી કોર્નરને ગોલમાં ફેરવીને સ્કોર 1-1થી બરાબર કરી દીધો હતો. આ રીતે પ્રથમ ક્વાર્ટરમાં પાછળ રહી ગયેલી ભારતીય ટીમે જોરદાર વાપસી કરી છે.

સ્પેન સામેની બ્રોન્ઝ મેડલ મેચમાં ભારતીય કેપ્ટન હરમનપ્રીતે શાનદાર પેનલ્ટી સ્ટ્રોક લીધો અને ત્રીજા ક્વાર્ટરની ત્રીજી મિનિટમાં ગોલ કરીને ભારતને લીડ અપાવી. હરમનપ્રીતે જ બીજા ક્વાર્ટરમાં ગોલ કર્યો હતો. આ રીતે ભારતીય ટીમે હવે સ્પેનને પછાડી દીધું હતું.

Sports