ભારતીય ખેલાડીઓએ એશિયન ગેમ્સમાં કબડ્ડી સ્પર્ધામાં પ્રભુત્વ મેળવ્યું હતું. ટીમ ઇન્ડિયાએ પુરુષ અને મહિલા બંને કેટેગરીમાં ગોલ્ડ મેડલ જીતવા સાથે, ભારત મેડલ ટેબલમાં પાંચમા સ્થાને પહોંચી ગયું છે.

પશ્ચિમ એશિયાઈ દેશ બહેરીનમાં યોજાયેલી એશિયન યુથ ગેમ્સમાં ભારતે શાનદાર પ્રદર્શન કર્યું છે. ગુરુવારે, દેશના યુવા ખેલાડીઓએ કબડ્ડીમાં બે ગોલ્ડ મેડલ જીતીને ઇતિહાસ રચ્યો હતો. છોકરાઓ અને છોકરીઓ બંને ટીમોએ ગોલ્ડ મેડલ જીત્યા હત, જેનાથી ભારત મેડલ ટેબલમાં પાંચમા સ્થાને પહોંચી ગયું છે. અત્યાર સુધીમાં, ભારતે બે ગોલ્ડ, ત્રણ સિલ્વર અને પાંચ બ્રોન્ઝ મેડલ (કુલ 10 મેડલ) જીત્યા છે.

એશિયન યુથ ગેમ્સમાં ભારતના મેડલ વિજેતાઓને જાણો:

• ગોલ્ડ (2) – છોકરાઓની કબડ્ડી, છોકરીઓની કબડ્ડી

• સિલ્વર (3) – કનિષ્ક બિધુરી (કુરાશ), રંજના યાદવ (5000 મીટર વોક), અંબુરે શૌર્ય (100 મીટર હર્ડલ્સ)

• બ્રોન્ઝ (5) – ખુશી (કુરાશ), અરવિંદ (કુરાશ), જાસ્મીન કૌર (શોટ પુટ), દેવાશીષ દાસ (તાઈક્વોન્ડો), યશ્વિની સિંહ-શિવાંશુ પટેલ (મિક્સ્ડ પેર પુમસે).

એશિયન ગેમ્સ મેડલ ટેબલ:

ક્રમ     દેશ         ગોલ્ડ      સિલ્વર    બ્રોન્ઝ     કુલ મેડલ

1        ચીન           6           10           1          17

2        થાઇલેન્ડ     6            2            2          10

3  ઉઝબેકિસ્તાન   6            1            2            9

4         ઈરાન        3            4            6           13

5        ભારત         2            3             5           10

એશિયન યુથ ગેમ્સમાં ભારતને કબડ્ડીમાં બે ગોલ્ડ મેડલ 

ડીવાય પાટિલ સ્પોર્ટ્સ એકેડેમી ખાતે રમાયેલી મહત્વપૂર્ણ વર્લ્ડ કપ મેચમાં ભારતીય મહિલા ક્રિકેટ ટીમે ડીએલએસ પદ્ધતિ હેઠળ ન્યુઝીલેન્ડને 53 રનથી હરાવ્યું હતું. આ જીત સાથે, ભારત સેમિફાઇનલમાં ક્વોલિફાય થનારી ચોથી ટીમ બની ગઈ છે. દક્ષિણ આફ્રિકા, ઇંગ્લેન્ડ અને ઓસ્ટ્રેલિયા પહેલાથી જ ક્વોલિફાય થઈ ચૂક્યા છે.

વરસાદથી પ્રભાવિત મેચમાં, ન્યુઝીલેન્ડને ડીએલએસ પદ્ધતિ હેઠળ 44 ઓવરમાં 325 રનનો લક્ષ્યાંક આપવામાં આવ્યો હતો. વિશાળ લક્ષ્યનો પીછો કરતા, ન્યુઝીલેન્ડે નિયમિત અંતરાલે વિકેટ ગુમાવી હતી. આનાથી રન રેટ પર અસર પડી, અને ટીમ ક્યારેય જીતતી દેખાતી ન હતી. પાંચમા નંબર પર બેટિંગ કરતી બ્રુક હેલિડેના 84 બોલમાં 81 રન અને સાતમા નંબર પર બેટિંગ કરતી વિકેટકીપર ઇઝી ગેજના 51 બોલમાં અણનમ 65 રનના કારણે, ન્યુઝીલેન્ડે નિર્ધારિત 44 ઓવરમાં 8 વિકેટે 271 રન બનાવ્યા હતા, પરંતુમેચ 53 રનથી હારી ગઈ હતી. ભારત તરફથી રેણુકા સિંહ અને ક્રાંતિ ગૌડે 2-2 વિકેટ લીધી હતી, જ્યારે સ્નેહ રાણા, એન. ચારણી, દીપ્તિ શર્મા અને પત્રિકા રાવલે 1-1 વિકેટ લીધી હતી.

આ પહેલા, ટોસ હારીને પ્રથમ બેટિંગ કર્યા બાદ, ભારતીય ટીમે 49 ઓવરમાં 3 વિકેટ ગુમાવીને 340 રન બનાવ્યા હતા. વરસાદને કારણે, ભારતીય ઇનિંગ્સ 50 ને બદલે 49 ઓવર સુધી મર્યાદિત રહી હતી. પ્રથમ બેટિંગ કરતા, પ્રતિકા રાવલે અને સ્મૃતિ મંધાનાએ ભારતીય ટીમને મજબૂત શરૂઆત આપી હતી. તેમણે પ્રથમ વિકેટ માટે 212 રનની ભાગીદારી કરી હતી.

સ્મૃતિ મંધાનાએ 95 બોલમાં 4 છગ્ગા અને 10 ચોગ્ગાની મદદથી 109 રન બનાવ્યા હતા. આ મંધાનાની ODI કારકિર્દીની 14મી સદી અને આ વર્ષની તેની 5મી સદી હતી. પ્રતિકા રાવલે 134 બોલમાં 13 ચોગ્ગા અને 2 છગ્ગાની મદદથી 122 રન,જેમીમા રોડ્રિગ્સે 55 બોલમાં 11 ચોગ્ગાની મદદથી અણનમ 76 રન બનાવ્યા હતા.

ટીમ ઇન્ડિયાનો વર્લ્ડ કપની સેમિફાઇનલમાં પ્રવેશ

આંધ્રપ્રદેશમાં કુર્નૂલ જિલ્લામાં વહેલી સવારે એક ખાનગી લક્ઝરી પેસેન્જર બસમાં આગ લાગતાં 32 થી વધુ લોકો જીવતા ભડથું થઈ ગયા છે, જ્યારે 12 મુસાફરો બસમાંથી કૂદી પડી બચી ગયા હતા.

હૈદરાબાદ-બેંગલુરુ હાઇવે પર ચિન્ના ટેકુરુ ગામ પાસે ખાનગી ટ્રાવેલ કંપની કાવેરીની બસ જઈ રહી હતી, ત્યારે એક બાઈક સાથે અથડાતાં ભીષણ આગ લાગી ગઈ હતી. વહેલી સવાર હોવાને કારણે બસમાં મુસાફરો સુતા હોવાને કારણે બચી જવામાં મુશ્કેલી રહી હતી. લક્ઝરી એસી બસ હોય બંધ હતી અને બેસવા- સુવા માટે બોક્સ સુવિધા હોવાને કારણે મુસાફરો બહાર નીકળી શક્યા નહીં. મિનિટોમાં જ બસ આગમાં લપેટાઈ ગઈ હતી.

પ્રત્યક્ષદર્શીઓએ જણાવ્યું હતું કે આગ એટલી ઝડપથી ફેલાઈ ગઈ કે મોટાભાગના મુસાફરો બહાર નીકળી શકે એ પહેલાં જ ફસાઈ ગયા હતા. જો કે 12 મુસાફરો બસમાંથી કૂદી પડી જીવ બચાવી શક્યા હતા. જો કે તમાંથી કેટલાક દાઝી ગયા હતા.

અગ્નિશમન અને બચાવ ટીમો ઘટનાસ્થળે દોડી જઈ આગ બુઝાવવા અને બચાવ કાર્ય માટે જહેમત ઉઠાવી હતી. અધિકારીઓએ હજુ સુધી મૃત્યુઆંકની પુષ્ટિ કરી નથી, પરંતુ ઘટના જોતાંજાનહાનિનો આંકડો અંદાજી શકાય છે.

મુખ્યમંત્રી એન. ચંદ્રબાબુ નાયડુએ મૃતકોના પરિવારો પ્રત્યે સંવેદના વ્યક્ત કરી હતી અને જિલ્લા અધિકારીઓને તાત્કાલિક રાહત પગલાં અને બચી ગયેલા લોકોને તબીબી સહાય સુનિશ્ચિત કરવા નિર્દેશ આપ્યો હતો.

લક્ઝરી બસમાં આગ લાગતાં 32 થી વધુ લોકો ભડથું થઈ ગયા

વડાપ્રધાન નરેન્દ્ર મોદી દર વર્ષે દિવાળી આપણી સુરક્ષા કરતા જવાનો સાથે ઉજવે છે. એ થકી જવાનોનો ઉત્સાહ અને જુસ્સો બંને વધે છે. દેશના વડા પોતાની સાથે દિવાળી ઉજવે એ ઘટના સૌ જવાનો માટે પ્રેરક બની રહે છે. આ વર્ષે વડાપ્રધાન નરેન્દ્ર મોદીએ યુદ્ધ જહાજ વિક્રાંત ઉપર દિવાળી ઉજવી હતી. વડાપ્રધાન મોદીએ કહ્યું કે, આઈએનએસ વિક્રાંતે પાકિસ્તાનની ઉંઘ હરામ કરી હતી.

હા, આ એ જ યુદ્ધ જહાજ છે, જેણે યુદ્ધમાં પાકિસ્તાનના દાંત ખાટાં કર્યા હતા. વડાપ્રધાન મોદીએ યુદ્ધ જહાજના વખાણ કાંઈ અમસ્તાં કર્યા નથી. એ યુદ્ધ જહાજ પાકિસ્તાન સામેના યુદ્ધમાં દુશ્મનનો ખાત્મો બોલાવવા માટે ખૂબ જ કારગત નીવડ્યું હતું. પરંતુ તમને ખબર છે કે આ આઈએનએસ વિક્રાંત એ કેવું યુદ્ધ જહાજ છે ?

વડાપ્રધાન મોદી જ્યારે વખાણ કરતા હોય, ત્યારે દેશની સુરક્ષા માટે શિરમોર કહેવાય એવા યુદ્ધ જહાજ વિશે જાણવું જરૂરી છે. આઇએનએસ વિક્રાંતની અતીથી ઇતિ સુધીની તમામ માહિતી મેળવવી હોય તો તો અશોક પટેલ દ્વારા લિખીત પુસ્તક આઇએનએસ વિક્રાંત : સમુદ્રમાં તરતું શહેર વાંચવું જ પડે.

5 G પબ્લિકેશન, અમદાવાદ દ્વારા પ્રકાશિત આ પુસ્તકમાં વિક્રાંતનો અર્થથી માંડીને તેનો ઈતિહાસ, તેના પરની સુવિધા અને સજ્જતા સહિતની અનેક વિગતો આવરી લેવામાં આવી છે. દુશ્મનોના દાંત ખાટાં કરી દે એવી કયા કયા શસ્ત્ર સરંજામ તેના ઉપર છે, તેની વિગતો તો ખરી જ , સાથે ભારતનું પહેલું સ્વદેશી બનાવટનું એરક્રાફ્ટ કેરિયર કેવું છે, એ તમામ વિગતો તમને આ પુસ્તકમાં મળી રહેશે. સરળ શબ્દોમાં લખાયેલું આ પુસ્તક વિક્રાંત અંગે આપને અપડેટ કરશે...ને પાછું આ પુસ્તક કલરફૂલ છે....

મોદીએ દિવાળી જ્યાં ઉજવી એ INS વિક્રાંત વિશે આ પુસ્તક વાંચવું જ રહ્યું

દિલ્હી પોલીસ ક્રાઈમ બ્રાન્ચ અને બિહાર પોલીસ વચ્ચેના સંયુક્ત ઓપરેશન દરમિયાન રોહિણીમાં થયેલા એન્કાઉન્ટરમાં બિહારના ચાર મોસ્ટ-વોન્ટેડ ગેંગસ્ટર માર્યા ગયાછે.

દિલ્હી પોલીસ પાસેથી મળેલી માહિતી અનુસાર, દિલ્હી પોલીસ ક્રાઈમ બ્રાન્ચ અને બિહાર પોલીસ વચ્ચેના સંયુક્ત ઓપરેશન દરમિયાન રોહિણીમાં થયેલા એન્કાઉન્ટરમાં બિહારના ચાર મોસ્ટ-વોન્ટેડ ગેંગસ્ટર માર્યા ગયા છે. દિલ્હી પોલીસે ચાર આરોપીઓ અને દિલ્હી પોલીસ ક્રાઈમ બ્રાન્ચ અને બિહાર પોલીસની સંયુક્ત ટીમ વચ્ચે સવારે 2:20 વાગ્યે ગોળીબાર થયો હતો તે સ્થળનું લાઈવ ફૂટેજ જાહેર કર્યું છે.બિહારના રંજન પાઠક (25), બિમલેશ મહતો (25), મનીષ પાઠક (33) અને અમન ઠાકુર (21) એન્કાઉન્ટરમાં માર્યા ગયા છે. રંજન પાઠક, બિમલેશ મહતો અને મનીષ પાઠક બિહારના સીતામઢીના રહેવાસી હતા અને અમન ઠાકુર દિલ્હીના કરાવલ નગરનો રહેવાસી હતો.

આગામી બિહાર વિધાનસભા ચૂંટણી પહેલા આ ગેંગના સભ્યો મોટી ગુનાહિત પ્રવૃત્તિનું આયોજન કરી રહ્યા હતા. દિલ્હી પોલીસ ક્રાઈમ બ્રાન્ચ અને બિહાર પોલીસની સંયુક્ત ટીમે આ વિસ્તારમાં છટકું ગોઠવ્યું. આ ચારેય સામે બિહારમાં હત્યા અને સશસ્ત્ર લૂંટ સહિતના અનેક કેસ નોંધાયેલા છે. વધુ તપાસ ચાલુ છે.

દિલ્હીમાં સવાર સવારમાં એન્કાઉન્ટર, કોના મોત થયા ? 

બિહાર વિધાનસભાની ચૂંટણી માટે ભાજપ નેતૃત્વ હેઠળના એનડીએમાં સીટ-શેરિંગ ફોર્મ્યુલા આખરે નક્કી થઈ ગઈ છે. જનતા દળ યુ અને ભાજપ બંને 101-101 બેઠકો પર ચૂંટણી લડશે. બાકીની બેઠકો ચિરાગ પાસવાન, જીતન રામ માંઝી અને ઉપેન્દ્ર કુશવાહાને ફાળવવામાં આવી છે.

NDAએ આખરે 2025 બિહાર વિધાનસભા ચૂંટણી માટે સીટ-શેરિંગ કરારને અંતિમ સ્વરૂપ આપ્યું છે. અઠવાડિયાના આંતરિક ઝઘડા પછી, ચિત્ર હવે સ્પષ્ટ થઈ ગયું છે. JDU અને BJPને દરેકને 101 બેઠકો મળી છે, જ્યારે બાકીની બેઠકો NDAના ઘટક પક્ષો LJP (રામવિલાસ), RLSPઅને HAM વચ્ચે વહેંચાઈ ગઈ છે.

NDA સીટ-શેરિંગ ફોર્મ્યુલા

• LJP (રામવિલાસ) ને 29 બેઠકો

JDU ના રાષ્ટ્રીય કાર્યકારી પ્રમુખ સંજય ઝાએ સોશિયલ મીડિયા પ્લેટફોર્મ X પર પોસ્ટ કરીને લખ્યું, "અમે, NDA સાથીઓએ, સૌહાર્દપૂર્ણ વાતાવરણમાં બેઠક વિતરણ પૂર્ણ કર્યું છે. NDA ના તમામ પક્ષોના નેતાઓ અને કાર્યકરોએ બેઠક સમજુતિને આવકારી છે. સાથે મળીને, અમે મુખ્ય પ્રધાન નીતિશ કુમારને ફરીથી પ્રચંડ બહુમતી સાથે ચૂંટવા માટે કટિબદ્ધ છીએ."

આ દરમિયાન, બિહાર ભાજપના પ્રભારી વિનોદ તાવડેએ પણ સોશિયલ મીડિયા પોસ્ટમાં આ બેઠક-શેરિંગ ફોર્મ્યુલાની પુષ્ટિ કરી છે. તેમણે લખ્યું, "સંગઠિત અને સમર્પિત NDA... આગામી બિહાર વિધાનસભા ચૂંટણી માટે, NDA પરિવારના તમામ સભ્યોએ સૌહાર્દપૂર્ણ વાતાવરણમાં અને પરસ્પર સંમતિથી બેઠક વિતરણ પૂર્ણ કર્યું છે."

બિહાર ચૂંટણીમાં ભાજપ મોરચામાં કોને કેટલી બેઠકો મળી ? 

ભારતીય મહિલા ક્રિકેટ ટીમની ઓપનર સ્મૃતિ મંધાનાએ ઇતિહાસ રચ્યો છે. મંધાના એક દિવસીય ક્રિકેટ મેચફોર્મેટમાં એક કેલેન્ડર વર્ષમાં 1,000 રન બનાવનારી પ્રથમ મહિલા બની છે.

સ્મૃતિ મંધાનાએ ICC મહિલા ODI વર્લ્ડ કપ 2025 ની 13મી મેચમાં ઓસ્ટ્રેલિયા સામે રમતી વખતે આ સિદ્ધિ મેળવી હતી. તેણીએ 2025 માં અત્યાર સુધી કુલ 18 મેચ રમી છે. ઓસ્ટ્રેલિયાની બેલિન્ડા ક્લાર્ક આ યાદીમાં બીજા ક્રમે છે, તેણે 1997 માં 16 મેચની 14 ઇનિંગ્સમાં 80.83 ની સરેરાશથી 970 રન બનાવ્યા હતા. જ્યારે આ યાદીમાં ત્રીજા ક્રમે ઇંગ્લેન્ડની લૌરા વોલ્વાર્ડટે 2022 માં 18 ODI માં 882 રન કર્યા હતા.

આ યાદીમાં ચોથા ક્રમે 1997 માં 16 વનડેમાં 62.85 ની સરેરાશથી 880 રન બનાવનાર ડેબોરાહ હોકલી છે, જ્યારે 2016 માં 15 મેચની 14 ઇનિંગ્સમાં 85.30 રનની સરેરાશથી 852 રન બનાવનાર એમી સેટરથવેટ પાંચમા ક્રમે છે.

સ્મૃતિ મંધાનાએ આ વર્ષે આયર્લેન્ડ, શ્રીલંકા અને ઓસ્ટ્રેલિયા સામે ચાર સદી ફટકારી છે. આ વર્લ્ડ કપમાં તેણીએ 8, 23 અને 23 રન બનાવ્યા છે.

ભારત-ઓસ્ટ્રેલિયા વચ્ચે ચાલી રહેલી મેચમાં ઓસ્ટ્રેલિયાએ ટોસ જીતીને ટીમ ઈન્ડિયાને પ્રથમ બેટિંગ માટે આમંત્રણ આપ્યું છે. ભારતીય ટીમ આ વર્લ્ડ કપમાં ત્રણમાંથી બે મેચ જીતીને ત્રીજા સ્થાને છે. ટીમ ઈન્ડિયાએ ડકવર્થ-લુઈસ પદ્ધતિનો ઉપયોગ કરીને શ્રીલંકા સામેની પોતાની પહેલી મેચ 59 રનથી જીતી હતી. ત્યારબાદ, તેણે પાકિસ્તાનને 88 રનથી હરાવ્યું હતું. જોકે, ભારત દક્ષિણ આફ્રિકા સામે પોતાની ત્રીજી મેચ ત્રણ વિકેટથી હારી ગયું હતું.

બીજી તરફ, ઓસ્ટ્રેલિયા પોતાની ત્રણ મેચમાંથી બે જીતીને પોઈન્ટ ટેબલમાં બીજા સ્થાને છે. તેણે પોતાની પહેલી મેચમાં ન્યુઝીલેન્ડને 89 રનથી હરાવ્યું હતું, ત્યારબાદ શ્રીલંકા સામે ડ્રો રહ્યો હતો. ઓસ્ટ્રેલિયાએ ત્રીજી મેચમાં પાકિસ્તાનને 107 રનથી હરાવ્યું હતું.

સ્મૃતિ મંધાનાએ એવું તે શું કર્યું કે દુનિયાના પહેલી મહિલા ક્રિકેટર બની ગઈ  

ગુજરાતીઓને અમેરિકામાં વસવાનું ગમે છે, પરંતુ હવે એ દેશમાં ટ્રમ્પના શાસન બાદ સ્થાયી થવું મુશ્કેલ થઈ ગયું છે. અમેરિકામાં ગુનાખઓરી પણ વધી રહી છે, ત્યારે ત્યાં જવા માટે હવાતિયાં મારવાને બદલે બીજા એક સુખી દેશ તમને આવકારી રહ્યો છે,ને ત્યાં જવું સરળ પણ છે. બે જ મિનિટમાં અરજી કરી શકાય એમ છે.

દુનિયાના સૌથી સુખી દેશોમાં યુરોપના દેશોનો સમાવેશ થાય છે. એમાંય ફિનલેન્ડ તો સૌથી ટોપ ટેન સુખી દેશમાં આવે છે. ફિનલેન્ડની જીવનશૈલી, સુરક્ષા અને કુદરતી સૌંદર્ય લોકોને આકર્ષે છે. ફિનલેન્ડ અહીં કાયમી રહેઠાણ (PR) સાથે સ્થાયી થવાની તક આપી રહ્યું છે. ફિનલેન્ડમાં કાયમી રહેઠાણ (PR) મેળવવાથી માત્ર સારું જીવન જ નહીં પરંતુ ત્યાં કાયમી રહેવા અને કામ કરવાની પરવાનગી અને તમારા પરિવારને તમારી સાથે લાવવા જેવા ઘણા અધિકારો પણ મળશે.

ફિનિશ સરકારે તેના ઇમિગ્રેશન નિયમોમાં નોંધપાત્ર ફેરફારો કર્યા છે, જેનાથી દેશ IT, એન્જિનિયરિંગ અને આરોગ્યસંભાળ ક્ષેત્રના વ્યાવસાયિકો માટે વધુ આકર્ષક સ્થળ બન્યો છે.

2025 માં, ફિનિશ સરકાર તેના ઇમિગ્રેશન નિયમોમાં નોંધપાત્ર ફેરફારો કરશે, જેનાથી આઇટી, આરોગ્યસંભાળ અને એન્જિનિયરિંગ જેવા ક્ષેત્રોમાં કામ કરતા લોકો માટે ત્યાં કાયમી ધોરણે સ્થાયી થવાનું સરળ બનશે. ફિનિશ પીઆર સાથે, કોઈપણ ભારતીય ફિનલેન્ડમાં કાયમી ધોરણે રહી શકે છે અને કામ કરી શકે છે.પીઆર ધારકોને આરોગ્યસંભાળ, શિક્ષણ અને અન્ય સામાજિક લાભો મળે છે. આ કાર્ડ ફક્ત દર પાંચ વર્ષે રિન્યુ કરાવવું આવશ્યક છે. જો કે, પીઆર અને નાગરિકતા બે અલગ અલગ બાબતો છે. ફિનિશ નાગરિકતા મેળવવા માટે, વ્યક્તિ ઓછામાં ઓછા આઠ વર્ષ દેશમાં રહેતી હોવી જોઈએ અને સત્તાવાર ભાષા બોલતી હોવી જોઈએ.

ફિનિશ સરકારે તાજેતરમાં વર્ક વિઝા અને ફેમિલી રિયુનિફિકેશન નિયમોમાં ફેરફાર કર્યા છે. હવે, કોઈપણ વ્યક્તિ ઓછામાં ઓછા બે વર્ષ ફિનલેન્ડમાં રહેતો હોય તે પોતાના પરિવાર લાવી શકે છે. બંને જીવનસાથીઓ માટે લઘુત્તમ ઉંમર 21 વર્ષ છે.

નીચેની બાબતો પણ નોંધો:

• ફિનલેન્ડમાં કાયમી નિવાસ માટે ટાઇપ એ (લાંબા ગાળાની) રહેઠાણ પરમિટ પર સતત ચાર વર્ષ જરૂરી છે.

• ટાઇપ બી (ટૂંકા ગાળાની) પરમિટ પર વિતાવેલા વર્ષો ગણાશે નહીં.

• આ ચાર વર્ષમાંથી ઓછામાં ઓછા બે વર્ષ ફિનલેન્ડમાં રહેતા હોવા જોઈએ.

• તમારી વર્તમાન પરમિટ (જેમ કે રોજગાર અથવા કુટુંબ આધારિત) PR અરજી સમયે માન્ય હોવી જોઈએ.

• તમારી પાસે સ્વચ્છ પોલીસ રેકોર્ડ, આરોગ્ય વીમો, રહેણાંક સરનામું અને કોઈ બાકી દેવું ન હોવું જોઈએ.

કેવી રીતે અરજી કરવી?

• તમે Enter Finland વેબસાઇટ અથવા VFS Global India દ્વારા ફિનલેન્ડ PR અથવા રહેઠાણ પરમિટ માટે અરજી કરી શકો છો.

• અરજી માટે જરૂરી દસ્તાવેજો: પાસપોર્ટ, ફોટો, આવકનો પુરાવો, શિક્ષણ પ્રમાણપત્ર, રહેઠાણનો પુરાવો અને કુટુંબની વિગતો.

• Enter Finland પોર્ટલ પર જાઓ અને PR માટે અરજી કરવા માટે તમારા Migri ID સાથે લોગિન કરો.

• આગળ, Migri સેવા કેન્દ્ર પર જાઓ અને તમારી ઓળખ (બાયોમેટ્રિક ચકાસણી) ચકાસો.

• અરજી કર્યા પછી, તમે ઓનલાઈન સ્થિતિ ચકાસી શકો છો.

• મંજૂરી મળ્યા પછી, તમને PR કાર્ડ પ્રાપ્ત થાય છે.

• જો અરજી નકારવામાં આવે છે, તો 30 દિવસની અંદર અપીલ કરી શકાય છે.

અમેરિકાના સપના છોડો, આ સુખી દેશમાં સ્થાયી થવા અરજી કરો

ભારતમાં સોનું મોંઘુ છે, ત્યારે દુબઈથી સોનું લાવતા અનેક લોકો પકડાય છે. એ સંજોગોમાં સોનું વિદેશથી લાવી શકાય કે કેમ એવો સવાલ જરૂર થાય.

એ સવાલનો જવાબ છે- હા, વિદેશથી સોનું ખરીદીને ભારત લાવી શકાય છે. ભારતમાં વિદેશથી સોનું લાવવાના નિયમો પાળવા પડે છે. ભારતમાં વિદેશથી સોનું લાવવા માટે મહિલા અને પુરૂષો માટે જુદા જુદા નિયમો છે.

વિદેશથી ભારતીયો સોનું બિસ્કેટ કે સિક્કાના સ્વરૂપમાં લાવી શકાતું નથી. ફક્ત ઘરેણાંરૂપે જ સોનું લાવી શકાય છે.

પુરૂષ પોતાની સાથે વિદેશથી 20 ગ્રામ સોનાના ઘરેણાં કસ્ટમ ડ્યુટી ભર્યા વગર લાવી શકે છે. જો કે તેની કિંમત 50 હજાર રૂપિયા કરતાં વઘુ હોવી ન જોઈએ.

મહિલા પ્રવાસી વધુમાં વધુ 40 ગ્રામ સોનું લાવી શકે છે. આ સોનાના ઘરેણાંની કિંમત એક લાખ રૂપિયાથી વધુ હોવી ન જોઈએ. જો તેના કરતાં વધુ કિંમત હોય તો તેના પર કસ્ટમ ડ્યુટી ભરવી પડે છે.

આ નિયમો જાણ્યા વિના વિદેશથી  સસ્તું સોનું લાવવાનું વિચારશો પણ નહીં  

સોનાની ખરીદી કરવાનું વિચારો છો, તો દુનિયાનું સૌથી સસ્તુ સોનું અહીં મળે છે !

સોના અને ચાંદીના ભાવ આસમાને ચઢી રહ્યા છે. નવા નવા વિક્રમો સર્જી રહ્યા છે. સોનાનો ભાવ એક તોલાના એક લાખ રૂપિયાને પાર કરી ગયા છે. એ સંજોગોમાં સોનું ખરીદવું હવે એક સપનું થઈ ગયું છે. સોનાના દાગીનાની ખરીદી કરવી મુશ્કેલ થઈ પડી છે, ત્યારે જો તમારે સોનું ખરીદવું હોય તો એ જાણી લો કે દુનિયામાં સૌથી સસ્તુ સોનું ક્યાં મળે છે ?

આંતરરાષ્ટ્રીય બજારમાં સોનાનો ભાવ એક ઓંસનો 4 હજાર ડોલર થઈ ગયો છે, તેને કારણે ભારતમાં સોનાનો ભાવ 10 ગ્રામનો 1.23 લાખની આસપાસ ચાલી રહ્યો છે. આ વર્ષની શરૂઆતથી અત્યાર સુધીમાં સોનાના ભાવમાં 54 ટકાનો વધારો થયો છે. ગયા વર્ષે સોનાના ભાવમાં 27 ટકાનો ભાવ વધારો થયો હતો. મતલબ કે ગયા વર્ષ કરતાં પણ ઝડપથી સોનાનો ભાવ બમણો થઈ ગયો છે. ભારતમાં સોનું કેમ આટલુંમોંઘું હોય છે ?

એમ પણ આંતરરાષ્ટ્રીય બજારમાં સોનાના ભાવ કરતાં ભારતમાં સોનાનો ભાવ 6 થી 10 ટકા વધુ હોય છે. એ ખરૂં કે ઘણા લોકો દુબઈ જઈને સોનું ખરીદે છે કેમકે ત્યાં આંતરરાષ્ટ્રીય ભાવે સોનું વેચાય છે. એ કારણે ભારત કરતાં સોનું સસ્તુ પડે છે. ભારતમાં જીએસટી 3 ટકા, ઈમ્પોર્ટ ડ્યુટી 6 ટકા. 1 ટકા ટીડીએસ તેમજ કૃષિવાડી સેસ 1 ટકો લાગતાં ભારતમાં સોનાના ભાવ વધુ છે. એ ઉપરાંત આજકાલ રૂપિયો સતત નબળો પડતાં તેની અસર પણ સોનાના ભાવ ઉપર પડે છે. ડોલરના ભાવમાં એક જ રૂપિયાનો ઉછાળો આવે તો સોનામાં 10 ગ્રામ દીઠ 600 થી 700 રૂપિયાનો વધારો થઈ જાય છે. વળી ઘરેણાં ખરીદો તો તેના ઘડામણ ચાર્જ ઉપર 5 ટકા જીએસટી અલગ લાગે છે. મતલબ કે સોનું મોંઘુ પડે છે.

પરંતુ તમારે સોનું ખરીદવું હોય તો વિદેશમાં અનેક દેશો છે. સ્વાભાવિક છે કે ભારતની સરખામણીએ બહેરિન, કુવેત, મલેશિયા, ઓમાન, કતાર, સાઉદી અરેબિયા, સિંગાપોર, દુબઈ, અમેરિકા અને પેરૂમાં પણ સોનું સસ્તું પડે છે.

સૌથી સસ્તું સોનું અહીં મળે છે !

મહાનાયક અમિતાભ બચ્ચનનો આજે જન્મ દિવસ છે. એવી ઉંમરે જ્યારે બાકીની દુનિયા નિવૃત્તિનો આનંદ માણી રહી છે, ત્યારે 83 વર્ષે આ યોદ્ધા પોતાના કામથી યુવાનો કરતાં પણ વધુ સારું પ્રદર્શન કરી રહ્યા છે.

સામાન્ય રીતે 60 વર્ષે લોકો નિવૃત્ત થવા માંડે અને 80 વર્ષ પછી તો જાણે માંડ આયખું ખેંચતા હોય એમ જીવતા હોય છે, એ સમયે 83 વર્ષે પણ અમિતાભ બચ્ચન યુવાનોને શરમાવે એવી સ્ફૂર્તિથી કામ કરે છે. બોલિવૂડ જ નહીં સામાન્ય નોકરીમાં પણ સામાન્ય લોકો 8-9 કલાક જ કામ કરતા હોય છે, જ્યારે અમિતાભ આજે પણ 15-16 કલાક કામ કરે છે. એ કારણે જ આજે પણ તેમની આજે પણ દર વર્ષે બે ત્રણ ફિલ્મ રીલીઝ થતી હોય છે. એ ઉપરાંત કેટલીક જાહેરખબરો અને કૌન બનેલા કરોડપિત શો તો ખરો જ.

વળી અમિતાભ બચ્ચન અસંખ્ય બિમારીઓ સાથે લડતા રહીને સખત કામ કરે છે, 1982 માં કૂલી ફિલ્મના શૂટિંગ વખતે તેમને ગંભીર ઈજા થઈ હતી. એ સમયે તેઓ કોમામાં પણ સરી ગયા હતા અને ઘણી સર્જરીઓ પણ કરવી પડી હતી. વેન્ટિલેટર પર મૂકતા પહેલા તેમને ક્લિનિકલી ડેડ જાહેર કરવામાં આવ્યા હોવાનો ખુલાસો તો અમિતાભે પોતે જ સિમી ગ્રેવાલના શોમાં કર્યો હતો.

કૂલી ફિલ્મમાં થયેલી ઈજાથી માંડ બચ્યા બાદ 2000 માં જ્યારે અમિતાભ તેમના સૌથી ખરાબ નિષ્ફળતાના સમયગાળામાંથી બહાર આવવા માટે સંઘર્ષ કરી રહ્યા હતા, ત્યારે તેમને હેપેટાઇટિસ બી થયો હતો અને તેમના લીવરમાં ચેપ લાગ્યો હતો. ડોક્ટરોએ તેમને એમ પણ કહ્યું હતું કે તેઓ તેમના લીવરના ૨૫ ટકા ભાગ પર જીવી રહ્યા છે. એ બિમારી સામે લડતા રહીને તેમણે પોતાની ફ્લોપ જતી કેરિયરને મોટો બ્રેક થ્રૂ આપ્યો હતો. બોક્સ ઓફિસ પર ફરીથી તેમનું કામણ કામ કરી ગયું હતું.આ સમય દરમિયાન, અમિતાભ બચ્ચને બોક્સ ઓફિસ પર નવા રેકોર્ડ સર્જ્યા હતા. 2000 થી 2019 દરમિયાન તેમની સતત 56 ફિલ્મો આવી હતી. આ સમયગાળા દરમિયાન અક્ષય કુમાર સિવાય અન્ય કોઈ સ્ટારે આટલી બધી ફિલ્મો આપી ન હતી.

આ પછી, અમિતાભે 2019 માં તેમના બ્લોગમાં તેમની બીમારી વિશે પોસ્ટ કરી હતી. તેમણે ગરદન અને કમરમાં દુખાવો અને તાવનો અનુભવ થવાનો ઉલ્લેખ કર્યો હતો. લાંબા સમય સુધી બેસવું સમસ્યારૂપ હતું. ડોક્ટરોએ તેમને આરામ કરવાની સલાહ આપી, પરંતુ તેમણે ક્યારેય આરામ પોતાને હાવી થવા દીધો નહીં. 2020 ના કોવિડ રોગચાળા દરમિયાન, અમિતાભ બચ્ચનને પણ ચેપ લાગ્યો અને હોસ્પિટલમાં દાખલ કરવામાં આવ્યા, પરંતુ તેઓ સ્વસ્થ થઈને પાછા ફર્યા. વધુમાં, તેમણે યુવા કલાકારો કરતાં વધુ કામ કર્યું.આ સમયગાળા દરમિયાન, અમિતાભ બચ્ચને 2019 થી 2024 સુધી આઠ ફિલ્મો આપી. શાહરૂખ ખાન, સલમાન ખાન, આમિર ખાન કે ઋત્વિક રોશન બંનેમાંથી કોઈ પાસે આ સમયગાળા દરમિયાન એટલી ફિલ્મો નથી.

અમિતાભે સાત ફિલ્મોમાં, KBC ના ઘણા સીઝનમાં અભિનય કર્યો છે, અને હાલમાં તેમની પાસે ત્રણ ફિલ્મો છે. માત્ર આટલું જ નહીં, અમિતાભ આગામી દિવસોમાં બ્રહ્માસ્ત્ર ભાગ 2, કલ્કી 2898 એડી ભાગ 2 અને આંખે ભાગ 2 માં જોવા મળશે.

Archive