આંધ્રપ્રદેશમાં કુર્નૂલ જિલ્લામાં વહેલી સવારે એક ખાનગી લક્ઝરી પેસેન્જર બસમાં આગ લાગતાં 32 થી વધુ લોકો જીવતા ભડથું થઈ ગયા છે, જ્યારે 12 મુસાફરો બસમાંથી કૂદી પડી બચી ગયા હતા.

હૈદરાબાદ-બેંગલુરુ હાઇવે પર ચિન્ના ટેકુરુ ગામ પાસે ખાનગી ટ્રાવેલ કંપની કાવેરીની બસ જઈ રહી હતી, ત્યારે એક બાઈક સાથે અથડાતાં ભીષણ આગ લાગી ગઈ હતી. વહેલી સવાર હોવાને કારણે બસમાં મુસાફરો સુતા હોવાને કારણે બચી જવામાં મુશ્કેલી રહી હતી. લક્ઝરી એસી બસ હોય બંધ હતી અને બેસવા- સુવા માટે બોક્સ સુવિધા હોવાને કારણે મુસાફરો બહાર નીકળી શક્યા નહીં. મિનિટોમાં જ બસ આગમાં લપેટાઈ ગઈ હતી.

પ્રત્યક્ષદર્શીઓએ જણાવ્યું હતું કે આગ એટલી ઝડપથી ફેલાઈ ગઈ કે મોટાભાગના મુસાફરો બહાર નીકળી શકે એ પહેલાં જ ફસાઈ ગયા હતા. જો કે 12 મુસાફરો બસમાંથી કૂદી પડી જીવ બચાવી શક્યા હતા. જો કે તમાંથી કેટલાક દાઝી ગયા હતા.

અગ્નિશમન અને બચાવ ટીમો ઘટનાસ્થળે દોડી જઈ આગ બુઝાવવા અને બચાવ કાર્ય માટે જહેમત ઉઠાવી હતી. અધિકારીઓએ હજુ સુધી મૃત્યુઆંકની પુષ્ટિ કરી નથી, પરંતુ ઘટના જોતાંજાનહાનિનો આંકડો અંદાજી શકાય છે.

મુખ્યમંત્રી એન. ચંદ્રબાબુ નાયડુએ મૃતકોના પરિવારો પ્રત્યે સંવેદના વ્યક્ત કરી હતી અને જિલ્લા અધિકારીઓને તાત્કાલિક રાહત પગલાં અને બચી ગયેલા લોકોને તબીબી સહાય સુનિશ્ચિત કરવા નિર્દેશ આપ્યો હતો.

લક્ઝરી બસમાં આગ લાગતાં 32 થી વધુ લોકો ભડથું થઈ ગયા

વડાપ્રધાન નરેન્દ્ર મોદી દર વર્ષે દિવાળી આપણી સુરક્ષા કરતા જવાનો સાથે ઉજવે છે. એ થકી જવાનોનો ઉત્સાહ અને જુસ્સો બંને વધે છે. દેશના વડા પોતાની સાથે દિવાળી ઉજવે એ ઘટના સૌ જવાનો માટે પ્રેરક બની રહે છે. આ વર્ષે વડાપ્રધાન નરેન્દ્ર મોદીએ યુદ્ધ જહાજ વિક્રાંત ઉપર દિવાળી ઉજવી હતી. વડાપ્રધાન મોદીએ કહ્યું કે, આઈએનએસ વિક્રાંતે પાકિસ્તાનની ઉંઘ હરામ કરી હતી.

હા, આ એ જ યુદ્ધ જહાજ છે, જેણે યુદ્ધમાં પાકિસ્તાનના દાંત ખાટાં કર્યા હતા. વડાપ્રધાન મોદીએ યુદ્ધ જહાજના વખાણ કાંઈ અમસ્તાં કર્યા નથી. એ યુદ્ધ જહાજ પાકિસ્તાન સામેના યુદ્ધમાં દુશ્મનનો ખાત્મો બોલાવવા માટે ખૂબ જ કારગત નીવડ્યું હતું. પરંતુ તમને ખબર છે કે આ આઈએનએસ વિક્રાંત એ કેવું યુદ્ધ જહાજ છે ?

વડાપ્રધાન મોદી જ્યારે વખાણ કરતા હોય, ત્યારે દેશની સુરક્ષા માટે શિરમોર કહેવાય એવા યુદ્ધ જહાજ વિશે જાણવું જરૂરી છે. આઇએનએસ વિક્રાંતની અતીથી ઇતિ સુધીની તમામ માહિતી મેળવવી હોય તો તો અશોક પટેલ દ્વારા લિખીત પુસ્તક આઇએનએસ વિક્રાંત : સમુદ્રમાં તરતું શહેર વાંચવું જ પડે.

5 G પબ્લિકેશન, અમદાવાદ દ્વારા પ્રકાશિત આ પુસ્તકમાં વિક્રાંતનો અર્થથી માંડીને તેનો ઈતિહાસ, તેના પરની સુવિધા અને સજ્જતા સહિતની અનેક વિગતો આવરી લેવામાં આવી છે. દુશ્મનોના દાંત ખાટાં કરી દે એવી કયા કયા શસ્ત્ર સરંજામ તેના ઉપર છે, તેની વિગતો તો ખરી જ , સાથે ભારતનું પહેલું સ્વદેશી બનાવટનું એરક્રાફ્ટ કેરિયર કેવું છે, એ તમામ વિગતો તમને આ પુસ્તકમાં મળી રહેશે. સરળ શબ્દોમાં લખાયેલું આ પુસ્તક વિક્રાંત અંગે આપને અપડેટ કરશે...ને પાછું આ પુસ્તક કલરફૂલ છે....

મોદીએ દિવાળી જ્યાં ઉજવી એ INS વિક્રાંત વિશે આ પુસ્તક વાંચવું જ રહ્યું

પ્રધાનમંત્રી નરેન્દ્ર મોદી બુધવારે મહારાષ્ટ્રની મુલાકાત દરમિયાન ત્રણ નવા યુદ્ધ જહાજો - INS સુરત, INS નીલગિરી અને INS વાગશીર - રાષ્ટ્રને સમર્પિત કરશે. આ ત્રણ યુદ્ધ જહાજો સંરક્ષણ ઉત્પાદન અને દરિયાઈ સુરક્ષામાં વૈશ્વિક નેતા બનવાના ભારતના સ્વપ્નને સાકાર કરવા તરફ એક મહત્વપૂર્ણ છલાંગ છે.

પીએમ મોદીએ સોશિયલ મીડિયા પોસ્ટમાં લખ્યું, આવતીકાલે, 15 જાન્યુઆરી, આપણી નૌકાદળ ક્ષમતાઓ માટે એક ખાસ દિવસ બનવાનો છે. ત્રણ ફ્રન્ટલાઈન નૌકાદળના લડાયક જહાજોનો સમાવેશ થવાથી સંરક્ષણમાં વૈશ્વિક નેતા બનવાના આપણા પ્રયાસોને વેગ મળશે અને આત્મનિર્ભરતા તરફની આપણી આગેકૂચને મજબૂત બનાવશે.

INS સુરત એ પ્રોજેક્ટ 15B ક્લાસ ગાઇડેડ મિસાઇલ ડિસ્ટ્રોયરનું ચોથું અને છેલ્લું જહાજ છે. તે વિશ્વના સૌથી મોટા અને સૌથી અત્યાધુનિક વિનાશકોમાંનું એક છે. તેમાં 75 ટકા સ્વદેશી સામગ્રી છે અને તે અત્યાધુનિક શસ્ત્રો, સેન્સર પેકેજો અને અદ્યતન નેટવર્ક-કેન્દ્રિત ક્ષમતાઓથી સજ્જ છે.

INS નીલગિરી એ 17A સ્ટીલ્થ ફ્રિગેટ પ્રોજેક્ટનું પ્રથમ જહાજ છે. તેને ભારતીય નૌકાદળના યુદ્ધ જહાજ ડિઝાઇન બ્યુરો દ્વારા ડિઝાઇન કરવામાં આવ્યું છે. તેને ઉન્નત ક્ષમતા, લાંબી દરિયાઈ યોગ્યતા અને અદ્યતન સ્ટીલ્થ સુવિધાઓ સાથે નૌકાદળમાં સામેલ કરવામાં આવ્યું છે. તે સ્વદેશી ફ્રિગેટ્સની આગામી પેઢીનું પ્રતિનિધિત્વ કરે છે. INS વાગશીર એ P75 સ્કોર્પિયન પ્રોજેક્ટની છઠ્ઠી અને છેલ્લી સબમરીન છે. INS વાગશીર સબમરીન નિર્માણમાં ભારતની વધતી જતી કુશળતાનું પ્રતિનિધિત્વ કરે છે. તેનું નિર્માણ ફ્રાન્સના નેવલ ગ્રુપના સહયોગથી કરવામાં આવ્યું છે.

આજે વડાપ્રધાન કરશે દેશની તાકાત વધારવાનું આ કામ 

પૌરાણિક માન્યતાઓ મુજબ કુંભ સ્નાન કરનાર વ્યક્તિ જીવન અને મૃત્યુના બંધનમાંથી મુક્ત થાય છે અને મોક્ષ પ્રાપ્ત કરે છે. ૧૩ જાન્યુઆરીથી શરૂ થયેલા કુંભ મેળામાં અલગ અલગ તારીખે શાહી સ્નાન પણ કરવામાં આવશે. મહાકુંભ દરમિયાન પહેલું શાહી સ્નાન મકરસંક્રાંતિના દિવસે એટલે કે આજે 14 જાન્યુઆરીએ 1.4 કરોડ લોકોએ સંગમ સ્થાને ડુબકી લગાવી હતી.

શાહી સ્નાન સાથે ઘણી ધાર્મિક માન્યતાઓ જોડાયેલી છે. ધાર્મિક માન્યતા અનુસાર, શાહી સ્નાનની તારીખ સૂર્ય અને ગુરુ જેવા શાહી ગ્રહોની સ્થિતિ જોઈને નક્કી કરવામાં આવે છે. આ ગ્રહો વ્યક્તિને ધન, વૈભવ અને ખુશી પ્રદાન કરીને શાહી જીવન પ્રદાન કરે છે. આ સ્થિતિમાં, શાહી સ્નાનના પ્રભાવથી સુખ અને સમૃદ્ધિ પ્રાપ્ત થાય છે. તે જ સમયે, બીજી ધાર્મિક માન્યતા અનુસાર, ઋષિઓ અને સંતો, ખાસ કરીને નાગા ઋષિઓ, ધર્મના રક્ષક માનવામાં આવે છે. મુઘલ કાળ દરમિયાન, નાગા સાધુઓએ ધર્મના રક્ષણ માટે મુઘલો સામે લડ્યા હતા, તેથી તેમના સન્માન માટે, તેમના માટે શાહી સ્નાનનું ખાસ આયોજન કરવામાં આવે છે. શાહી સ્નાનમાં, ઋષિ-મુનિઓ હાથી, ઘોડા અને રથ પર સવાર થઈને પૂર્ણ ધામધૂમ અને ભવ્યતાથી કુંભ સ્નાન માટે આવે છે. નાગા સાધુઓની શૈલીને જોઈને આ ખાસ સ્નાનને શાહી સ્નાન કહેવામાં આવ્યું છે.

પહેલા શાહી સ્નાનમાં 1.4 કરોડ લોકોએ ડુબકી લગાવી

દિલ્હી પોલીસ ક્રાઈમ બ્રાન્ચ અને બિહાર પોલીસ વચ્ચેના સંયુક્ત ઓપરેશન દરમિયાન રોહિણીમાં થયેલા એન્કાઉન્ટરમાં બિહારના ચાર મોસ્ટ-વોન્ટેડ ગેંગસ્ટર માર્યા ગયાછે.

દિલ્હી પોલીસ પાસેથી મળેલી માહિતી અનુસાર, દિલ્હી પોલીસ ક્રાઈમ બ્રાન્ચ અને બિહાર પોલીસ વચ્ચેના સંયુક્ત ઓપરેશન દરમિયાન રોહિણીમાં થયેલા એન્કાઉન્ટરમાં બિહારના ચાર મોસ્ટ-વોન્ટેડ ગેંગસ્ટર માર્યા ગયા છે. દિલ્હી પોલીસે ચાર આરોપીઓ અને દિલ્હી પોલીસ ક્રાઈમ બ્રાન્ચ અને બિહાર પોલીસની સંયુક્ત ટીમ વચ્ચે સવારે 2:20 વાગ્યે ગોળીબાર થયો હતો તે સ્થળનું લાઈવ ફૂટેજ જાહેર કર્યું છે.બિહારના રંજન પાઠક (25), બિમલેશ મહતો (25), મનીષ પાઠક (33) અને અમન ઠાકુર (21) એન્કાઉન્ટરમાં માર્યા ગયા છે. રંજન પાઠક, બિમલેશ મહતો અને મનીષ પાઠક બિહારના સીતામઢીના રહેવાસી હતા અને અમન ઠાકુર દિલ્હીના કરાવલ નગરનો રહેવાસી હતો.

આગામી બિહાર વિધાનસભા ચૂંટણી પહેલા આ ગેંગના સભ્યો મોટી ગુનાહિત પ્રવૃત્તિનું આયોજન કરી રહ્યા હતા. દિલ્હી પોલીસ ક્રાઈમ બ્રાન્ચ અને બિહાર પોલીસની સંયુક્ત ટીમે આ વિસ્તારમાં છટકું ગોઠવ્યું. આ ચારેય સામે બિહારમાં હત્યા અને સશસ્ત્ર લૂંટ સહિતના અનેક કેસ નોંધાયેલા છે. વધુ તપાસ ચાલુ છે.

દિલ્હીમાં સવાર સવારમાં એન્કાઉન્ટર, કોના મોત થયા ? 

બિહાર વિધાનસભાની ચૂંટણી માટે ભાજપ નેતૃત્વ હેઠળના એનડીએમાં સીટ-શેરિંગ ફોર્મ્યુલા આખરે નક્કી થઈ ગઈ છે. જનતા દળ યુ અને ભાજપ બંને 101-101 બેઠકો પર ચૂંટણી લડશે. બાકીની બેઠકો ચિરાગ પાસવાન, જીતન રામ માંઝી અને ઉપેન્દ્ર કુશવાહાને ફાળવવામાં આવી છે.

NDAએ આખરે 2025 બિહાર વિધાનસભા ચૂંટણી માટે સીટ-શેરિંગ કરારને અંતિમ સ્વરૂપ આપ્યું છે. અઠવાડિયાના આંતરિક ઝઘડા પછી, ચિત્ર હવે સ્પષ્ટ થઈ ગયું છે. JDU અને BJPને દરેકને 101 બેઠકો મળી છે, જ્યારે બાકીની બેઠકો NDAના ઘટક પક્ષો LJP (રામવિલાસ), RLSPઅને HAM વચ્ચે વહેંચાઈ ગઈ છે.

NDA સીટ-શેરિંગ ફોર્મ્યુલા

• LJP (રામવિલાસ) ને 29 બેઠકો

JDU ના રાષ્ટ્રીય કાર્યકારી પ્રમુખ સંજય ઝાએ સોશિયલ મીડિયા પ્લેટફોર્મ X પર પોસ્ટ કરીને લખ્યું, "અમે, NDA સાથીઓએ, સૌહાર્દપૂર્ણ વાતાવરણમાં બેઠક વિતરણ પૂર્ણ કર્યું છે. NDA ના તમામ પક્ષોના નેતાઓ અને કાર્યકરોએ બેઠક સમજુતિને આવકારી છે. સાથે મળીને, અમે મુખ્ય પ્રધાન નીતિશ કુમારને ફરીથી પ્રચંડ બહુમતી સાથે ચૂંટવા માટે કટિબદ્ધ છીએ."

આ દરમિયાન, બિહાર ભાજપના પ્રભારી વિનોદ તાવડેએ પણ સોશિયલ મીડિયા પોસ્ટમાં આ બેઠક-શેરિંગ ફોર્મ્યુલાની પુષ્ટિ કરી છે. તેમણે લખ્યું, "સંગઠિત અને સમર્પિત NDA... આગામી બિહાર વિધાનસભા ચૂંટણી માટે, NDA પરિવારના તમામ સભ્યોએ સૌહાર્દપૂર્ણ વાતાવરણમાં અને પરસ્પર સંમતિથી બેઠક વિતરણ પૂર્ણ કર્યું છે."

બિહાર ચૂંટણીમાં ભાજપ મોરચામાં કોને કેટલી બેઠકો મળી ? 

ઓગસ્ટમાં ચોમાસાના વરસાદે ઉત્તર અને પશ્ચિમ ભારતમાં છેલ્લા 25 વર્ષનો રેકોર્ડ તોડી નાખ્યો છે. ઓગસ્ટમાં ઉત્તર-પશ્ચિમ ભારતમાં 265 મીમી વરસાદ નોંધાયો હતો, જે 2001 પછી આ મહિનામાં સૌથી વધુ અને 1901 પછી 13મો સૌથી વધુ છે. આ સામાન્ય સરેરાશ 197.1 મીમી કરતા લગભગ 34.5 ટકા વધુ વરસાદ છે.

હવામાન વિભાગના ડેટા અનુસાર, 1 જૂનથી 31 ઓગસ્ટ દરમિયાન, દેશમાં 743.1 મીમી વરસાદ પડ્યો હતો, જે લાંબા ગાળાના સરેરાશ 700.7 મીમી કરતા લગભગ 6 ટકા વધુ છે. જૂનમાં 180 મીમી વરસાદ પડ્યો હતો, જે સામાન્ય કરતા લગભગ 9 ટકા વધુ છે. આ સમયગાળા દરમિયાન, ઉત્તરપશ્ચિમ અને મધ્ય ભારતમાં સારો વરસાદ પડ્યો હતો. જુલાઈમાં 294.1 મીમી વરસાદ પડ્યો હતો, જે સામાન્ય કરતા 5 ટકા વધુ છે. આ સમયગાળા દરમિયાન, મધ્ય ભારતમાં 22 ટકા વધુ વરસાદ નોંધાયો હતો. અત્યાર સુધી, ચોમાસા દરમિયાન જૂનથી ઓગસ્ટ દરમિયાન ઉત્તર-પશ્ચિમ ભારતમાં સામાન્ય કરતાં વધુ વરસાદ પડ્યો છે. 1 જૂનથી 31 ઓગસ્ટ દરમિયાન ઉત્તર-પશ્ચિમ ભારતમાં 614.2 મીમી વરસાદ પડ્યો છે, જે સામાન્ય 484.9 મીમી કરતા 27% વધુ છે. ઓગસ્ટમાં, દેશમાં 268.1 મીમી વરસાદ પડ્યો હતો, જે 5.2% વધુ છે.

હવામાન વિભાગના જણાવ્યા અનુસાર, સપ્ટેમ્બરમાં પણ વાદળો વરસતા રહેશે અને આ મહિનામાં પણ દેશમાં સામાન્ય કરતાં વધુ વરસાદ પડશે. અચાનક ભારે વરસાદ, પૂર, પર્વતોમાં ભૂસ્ખલનનો ભય પણ રહેશે.ભારતીય હવામાન વિભાગ ના ડિરેક્ટર જનરલ મૃત્યુંજય મહાપાત્રાએ રવિવારે જણાવ્યું હતું કે, સપ્ટેમ્બરમાં ઉત્તરાખંડમાં ભારે વરસાદ ભૂસ્ખલન અને અચાનક પૂરનું કારણ બની શકે છે, જ્યારે દક્ષિણ હરિયાણા, દિલ્હી અને ઉત્તર રાજસ્થાનમાં ભારે વરસાદથી સામાન્ય જનજીવન પ્રભાવિત થશે. ઉત્તર ભારતની ઘણી નદીઓ ઉત્તરાખંડમાંથી નીકળે છે. તેથી, અહીં ભારે વરસાદનો અર્થ એ છે કે ઘણી નદીઓ પૂરમાં આવશે અને તેનાથી શહેરો અને નગરોને અસર થશે. છત્તીસગઢમાં મહાનદીના ઉપરના કેચમેન્ટ વિસ્તારોમાં પણ ભારે વરસાદની અપેક્ષા છે.

ઓગસ્ટમાં વરસાદે 25 વર્ષનો રેકોર્ડ તોડ્યો; સપ્ટેમ્બરમાં કેવો રહેશે વરસાદ, જાણો

મંગળવારે સવારે દિલ્હી-એનસીઆરમાં ભૂકંપના આંચકાથી ફરી એકવાર ધરતી ધ્રુજી ઉઠી. આ સમય દરમિયાન કોઈ જાનમાલના નુકસાનના અહેવાલ નથી. સવારે છ વાગ્યે આવેલા ભૂકંપની તીવ્રતા 3.2 માપવામાં આવી છે. જ્યારે તેનું કેન્દ્ર હરિયાણાનું ફરીદાબાદ હતું.

નેશનલ સેન્ટર ફોર સિસ્મોલોજીએ સોશિયલ મીડિયા પ્લેટફોર્મ એક્સપર જણાવ્યું હતું કે 22 જુલાઈ 2025 ના રોજ સવારે 6:00 વાગ્યે 3.2 ની તીવ્રતાનો ભૂકંપ આવ્યો હતો. તેનું કેન્દ્ર ફરીદાબાદમાં હતું અને તે 28.29 ડિગ્રી ઉત્તર અક્ષાંશ અને 72.21 ડિગ્રી પૂર્વ રેખાંશ પર 5 કિલોમીટરની ઊંડાઈ પર હતું.

ભૂકંપ વૈજ્ઞાનિકોના મતે, આપણી પૃથ્વીની સપાટી મુખ્યત્વે સાત મોટી અને ઘણી નાની ટેક્ટોનિક પ્લેટોથી બનેલી છે. આ પ્લેટો સતત ફરતી રહે છે અને ઘણીવાર એકબીજા સાથે અથડાય છે. આ ટક્કરના પરિણામે, પ્લેટોના ખૂણા વાંકા વળી શકે છે અને વધુ પડતા દબાણને કારણે તે તૂટી પણ શકે છે. આવી સ્થિતિમાં, નીચેથી નીકળતી ઉર્જા બહારની તરફ ફેલાવાનો માર્ગ શોધે છે અને જ્યારે આ ઉર્જા જમીનની અંદરથી બહાર આવે છે, ત્યારે ભૂકંપ આવે છે.

એ પણ નોંધવું પડે કે ગયા અઠવાડિયે પણ હરિયાણાના ઝજ્જરમાં 2.5 ની તીવ્રતાનો ભૂકંપ આવ્યો હતો, જેની ઊંડાઈ 5 કિલોમીટર હતી. તેનું કેન્દ્ર 28.64 ડિગ્રી ઉત્તર અક્ષાંશ અને 76.75 ડિગ્રી પૂર્વ રેખાંશ પર હતું. અગાઉ, 10 અને 11 જુલાઈના રોજ, ઝજ્જરમાં જ 4.4 અને 3.7 ની તીવ્રતાના બે મોટા ભૂકંપ આવ્યા હતા. આ ભૂકંપની અસર દિલ્હી, ગુરુગ્રામ, રોહતક, નોઈડા અને રાષ્ટ્રીય રાજધાની ક્ષેત્ર (NCR) ના અન્ય ભાગોમાં અનુભવાઈ હતી. જોકે આ ભૂકંપની ઘટનાઓથી કોઈ મોટું નુકસાન થયું નથી, પરંતુ તેનાથી લોકોમાં ભય વધી ગયો છે.

દિલ્હી- એનસીઆરમાં ધરતી ધ્રૂજી

ઉપરાષ્ટ્રપતિ અને રાજ્યસભાના અધ્યક્ષ જગદીપ ધનખડે સાવ અચાનક જ સોમવારે રાત્રે રાજીનામું આપી દેતાં રાજકારણમાં ગરમાટો આવી ગયો છે.

અનેક મુદ્દાઓ એ સાથે જ ચર્ચામાં આવી ગયા છે. તેમણે આખો દિવસ રાજ્યસભાના અધ્યક્ષ તરીકે કામકાજ સંભાળ્યું હતું. એ સંજોગોમાં અચાનક જ એવો તે કયો મુદ્દો આવી ગયો કે તેમણે રાજીનામું આપવું પડ્યું એ રહસ્ય ઉકેલવા સૌ મથતા રહ્યા છે. અનેક અટકળો ચાલતી રહી છે. એક મુદ્દો એવો છે કે ઉપરાષ્ટ્રપતિનું પદ કોઈ બીજી વ્યક્તિને આસીન કરવા માટે તેમણે ખુરશી ખાલી કરી આપવી પડી છે. બીજી એક અટકળ એવી પણ છે કે રાજ્યસભાના નેતા અને ભાજપના નડ્ડાએ રાજ્યસભામાં ખોંખારીને કહ્યું કે રાજ્યસભામાં કોઈનું નિવેદન રેકોર્ડ થશે નહીં, ફક્ત તેઓ બોલે એ જ રેકોર્ડડ પર જશે. વાસ્તવમાં રાજ્યસભામાં કોનું નિવેદન રેકોર્ડ પર લેવાશે અને કોનું નિવેદન રેકોર્ડ પર નહીં લેવાય એ અધિકાર ફક્ત રાજ્યસભાના અધ્યક્ષનો જ છે. એ મુદ્દો તેમને અપમાનજનક લાગ્યો હોય અને તેથી તેમણે રાજીનામું આપી દીધું હોઈ શકે. જો કે જગદીપ ધનખડ ઘણા સમયથી ન્યાય તંત્ર સાથે બાખડી રહ્યા હતા, એ સમયે એમ લાગતું હતું કે તેઓ રાષ્ટ્રપતિ બનવા માટે ચાંપલુસી કરતા રહ્યા છે.

મુદ્દા તો અનેક છે. ન્યાયતંત્ર સાથે સંસદ સર્વોપરી હોવાનું કહીને સંઘર્ષમાં ઉતર્યા હતા. એ અલગ વાત છે કે મુખ્ય ન્યાયાધીશે સોય ઝાટકીને કહ્યું કે બંધારણ સર્વોપરી છે. એ ઉપરાંત રાજ્યસભાના અધ્યક્ષ તરીકે તેમણે વિપક્ષની બોલતી બંધ કરવાનું પણ કામ કર્યું હતું. એમ છતાં ખરેખર તેમણે રાજીનામું કયા કારણસર આપ્યું એ તો હવે તેઓ જ મોં ખોલે તો સમજાય, પરંતુ અત્યારે તો એક જ કારણ જાણવા મળે છે.

રાષ્ટ્રપતિ મુર્મુને મોકલેલા રાજીનામામાંધનખરે પોતાના રાજીનામા પાછળ સ્વાસ્થ્ય કારણો દર્શાવ્યા છે. તેમણે કહ્યું કે તેઓ બંધારણના અનુચ્છેદ 67 (a) હેઠળ, તબીબી સલાહને અનુસરીને અને આરોગ્ય સંભાળને પ્રાથમિકતા આપવા માટે તાત્કાલિક અસરથી ભારતના ઉપરાષ્ટ્રપતિ પદ પરથી રાજીનામું આપી રહ્યા છે.

એટલે સત્તાવાર રીતે તો જગદીપ ધનખડના રાજીનામાનું અસલી કારણ તો તેમનું નબળું સ્વાસ્થ્ય જ છે.

ઉપરાષ્ટ્રપતિ જગદીપ ધનખડે આ કારણે આપ્યું રાજીનામું

ઓપરેશન સિંદૂરનો બદલો લેવા માટે પાકિસ્તાને જમ્મુ, જેસલમેર અને પઠાણકોટ સહિતના ભારતીય શહેરો પર અનેક મિસાઇલ અને ડ્રોન હુમલા કર્યા હતો, જો કે ભારતીય સેનાએ એ તમામ હુમલાઓને નિષ્ફળ બનાવ્યા હતા. એ પછી ભારતીય સેનાએ પાકિસ્તાનની રાજધાની ઇસ્લામાબાદ જ નહીં પણ લાહોર, સિયાલકોટ અને રાવલપિંડી પર પણ હુમલા કર્યા હતા. જો કે સાવચેતી માટે જમ્મુ અને કાશ્મીરમાં શ્રીનગર, જમ્મુ અને રાજૌરી, પંજાબમાં અમૃતસર અને જલંધર, ગુજરાતના ભૂજ અને સરહદને અડીને આવેલા અન્ય મુખ્ય વિસ્તારોમાં બ્લેકઆઉટ લાદવામાં આવ્યો હતો.

ગુરુવારે મોડી રાત્રે, પાકિસ્તાની સેનાએ દેશના ઉત્તર અને પશ્ચિમ ભાગોમાં 15 શહેરોમાં લશ્કરી મથકોને મિસાઇલો અને ડ્રોનથી નિશાન બનાવવાનો પ્રયાસ કર્યો હતો. ભારતીય સેનાએ એ હુમલાઓને નિષ્ફળ કર્યા હતા. પાકિસ્તાની હુમલાને નિષ્ફળ બનાવવા માટે ભારતે S-400 મિસાઇલ ડિફેન્સ સિસ્ટમ, સપાટીથી હવામાં પ્રહાર કરતી મિસાઇલો અને સંકલિત માનવરહિત વિમાન વિરોધી સિસ્ટમનો ઉપયોગ કર્યો હતો. ભારતે પાકિસ્તાનના હાઇ-ટેક AWACS ને તોડી પાડ્યું હતું.

પાકિસ્તાની સેનાએ 7-8 મેની રાત્રે અવંતિપુરા, શ્રીનગર, જમ્મુ, પઠાણકોટ, અમૃતસર, કપૂરથલા, જલંધર, લુધિયાણા, આદમપુર, ભટિંડા, ચંદીગઢ, નાલ, ફલોદી, ઉત્તરલાઈ અને ભૂજને નિશાન બનાવવાનો પ્રયાસ કર્યો હતો. આને ઇન્ટિગ્રેટેડ કાઉન્ટર યુએએસ (માનવરહિત વિમાન સિસ્ટમ) ગ્રીડ અને હવાઈ સંરક્ષણ પ્રણાલીઓ દ્વારા નિષ્ફળ કર્યા હતા.

પાકિસ્તાની સેનાના પ્રવક્તા લેફ્ટનન્ટ જનરલ અહેમદ શરીફ ચૌધરીએ લાહોર, ગુજરાંવાલા, ચકવાલ, બહાવલપુર, મિયાનો, કરાચી, છોર, રાવલપિંડી અને અટોકમાં ભારતીય ડ્રોન હુમલાઓ થયા હોવાનું સ્વીકાર્યું હતું, પણ તેમણે શેખી મારી હતી કે એ હુમલા નિષ્ફળ કર્યા હતા. જો કે લાહોર નજીક એક ડ્રોન હુમલામાં ચાર સૈનિકો ઘાયલ અને ત્રણ નાગરિકોના મોત થયા હોવાનું પાકિસ્તાને સ્વીકાર્યું હતું.

ભારતીય સૈન્યે રાતભર પાકિસ્તાનને ધમરોળ્યું

મોડી રાત્રે ભારતે પહેલગામ આતંકવાદી હુમલાનો બદલો લઈ લીધો છે. ભારતે 'ઓપરેશન સિંદૂર' દ્વારા પાકિસ્તાનમાં સ્થિત આતંકવાદી કેમ્પો ફૂંકી માર્યા હતા. ભારતીય સેનાના સંયુક્ત ઓપરેશનમાં પાકિસ્તાનમાં નવ આતંકવાદી છાવણીઓનો નાશ કરવામાં આવ્યો હતો. જૈશ, લશ્કર અને હિઝબુલના આતંકવાદી અડ્ડા પર હુમલા કર્યા હતા. આ ઓપરેશનને સારી રીતે સમજીએ.

મિશનનું લક્ષ્ય :ભારતે 'ઓપરેશન સિંદૂર' શરૂ કર્યું, જેમાં પાકિસ્તાન અને પાકિસ્તાન કબજા હેઠળના જમ્મુ અને કાશ્મીરમાં આતંકવાદી અડ્ડા પર હુમલો કરવામાં આવ્યો હતો. આ અડ્ડાઓમાંથી ભારત વિરુદ્ધ આતંકવાદી હુમલાઓનું આયોજન અને નિર્દેશન કરવામાં આવતું હતું. ભારતના આ હુમલા અંગે પાકિસ્તાન સાવ અંધારામાં રહ્યું હતું.

9 સ્થળોએ હુમલા :ભારતે ઓપરેશન સિંદૂરમાં બહાવલપુર, મુરીદકેથી ચક અમરુ, સિયાલકોટ સુધી ભારે તબાહી મચાવી હતી.

ભારતનો સંયમ :ઓપરેશન સિંદૂરમાં ભારતે કોઈપણ પાકિસ્તાની લશ્કરી મથકને નિશાન બનાવ્યું ન હતું. ભારતે લક્ષ્યોની પસંદગી અને હુમલામાં સંયમ દાખવ્યો છે. ભારતના ઓપરેશન સિંદૂરનો પડઘો અમેરિકા સુધી પહોંચ્યો છે. આ અંગે અમેરિકાના રાષ્ટ્રપતિ ડોનાલ્ડ ટ્રમ્પે પણ પ્રતિક્રિયા આપી છે.

પાકિસ્તાનનું JF-17 વિમાન તોડી પડાયું :ઓપરેશન સિંદૂર દરમિયાન ભારતીય સેનાએ પાકિસ્તાનના JF-17 ને તોડી પાડ્યું હતું. ભારતે આકાશ મિસાઇલ સિસ્ટમથી આ વિમાનને તોડી પાડ્યું હતું.

ત્રણેય સેનાઓની સંયુક્ત કાર્યવાહી : ઓપરેશન સિંદૂરમાં ભારતીય સેના, નૌકાદળ અને વાયુસેનાના ચોકસાઇવાળા શસ્ત્રોનો ઉપયોગ કરવામાં આવ્યો હતો. સૈન્યે કામિકાઝ ડ્રોનનો પણ ઉપયોગ કર્યો હતો.

વડાપ્રધાન મોદી આખી રાત જાગતા રહ્યા : ભારતે આશ્ચર્યજનક રીતે ઓપરેશન સિંદૂર હાથ ધર્યું હતું. પાકિસ્તાનની નજર આજે ભારતમાં યોજાનારી મોક ડ્રીલ પર હતી, પણ ભારતે મોક ડ્રીલ હાથ ધરવા પહેલાં જ હુમલો કરી દઈને પાકિસ્તાનને અચંબામાં મુકી દીધું હતું. આખા ઓપરેશન પર વડાપ્રધાન નરેન્દ્ર મોદીએ નજર રાખી હતી. આખી રાત જાગતા રહીને તેમણે સતત અપડેટ્સ મેળવ્યા હતા. 

ઓપરેશન સિંદૂર :  ભારતે પાકિસ્તાનમાં આતંકવાદી છાવણીઓ ફૂંકી મારી 

આજે ૧ માર્ચથીકેટલાક નિયમો પણ બદલાય છે. આજથી ઘણા નિયમો બદલાવા જઈ રહ્યા છે, જેની અસર તમારા ખિસ્સા પર પડશે તે નક્કી છે. ૧ માર્ચ, ૨૦૨૫ થી, LPG સિલિન્ડરના ભાવ અને બેંક FD ના વ્યાજ દરોમાં ફેરફાર જોવા મળી રહ્યા છે. માર્ચ મહિનો કયા ફેરફારો લઈને આવ્યો છે અને લોકોના ખિસ્સા પર તેની શું અસર પડશે તે જાણો.

૧ માર્ચ, ૨૦૨૫ થી ફિક્સ્ડ ડિપોઝિટના વ્યાજ દરોમાં ફેરફાર થઈ શકે છે. બેંકો પણ FD પર વ્યાજ દર ઘટાડી અથવા વધારી શકે છે. બેંકો તેમની તરલતા અને નાણાકીય જરૂરિયાતો અનુસાર વ્યાજ દરમાં ફેરફાર કરી શકે છે.

આજથી મ્યુચ્યુઅલ ફંડ અને ડીમેટ એકાઉન્ટ્સ અંગે મોટો ફેરફાર થયો છે. રોકાણકારો તેમના મ્યુચ્યુઅલ ફંડ પોર્ટફોલિયો અને ડીમેટ ખાતામાં વધુમાં વધુ 10 નોમિની ઉમેરી શકશે. 28 ફેબ્રુઆરી સુધી, ફક્ત એક કે બે નોમિનીના નામ ઉમેરવાની સુવિધા હતી. આ બધા નોમિનીઓને સંયુક્ત ખાતાધારકો તરીકે જોઈ શકાય છે અથવા અલગ અલગ સિંગલ ખાતાઓ અથવા ફોલિયો માટે અલગ અલગ નોમિની પસંદ કરી શકાય છે.

આ મહિને ૧૯ કિલોગ્રામના કોમર્શિયલ ગેસ સિલિન્ડરના ભાવમાં વધારો કરવામાં આવ્યો છે. દિલ્હીથી લઈને અન્ય શહેરોમાં સિલિન્ડરના ભાવમાં 6 રૂપિયાનો વધારો કરવામાં આવ્યો છે. જ્યારે ગયા મહિને બજેટ દરમિયાન ૧૯ કિલોગ્રામના કોમર્શિયલ ગેસ સિલિન્ડરના ભાવમાં ૭ રૂપિયાનો ઘટાડો કરવામાં આવ્યો હતો. હવે આ રાહત પાછી ખેંચી લેવામાં આવી છે.

યુનિફાઇડ પેમેન્ટ ઇન્ટરફેસવ્યવહારોમાં મોટો ફેરફાર થયો છે. IRDAI ના નવા નિયમો હેઠળ, હવે UPI દ્વારા વીમા પ્રીમિયમ ચૂકવવાનું પહેલા કરતાં વધુ સરળ બન્યું છે. વીમા નિયમનકારી અને વિકાસ સત્તામંડળ (IRDAI) એ UPI દ્વારા વીમા-ASBA (બ્લોક કરેલી રકમ દ્વારા સપોર્ટેડ એપ્લિકેશન) નામની એક નવી સુવિધા શરૂ કરી છે. જેનો ઉદ્દેશ્ય ગ્રાહકો માટે ચુકવણી પ્રક્રિયાને સરળ બનાવવાનો છે. આ દ્વારા, પોલિસી ધારકો પ્રીમિયમ ચુકવણી માટે તેમના બેંક ખાતામાં પૈસા બ્લોક કરી શકે છે. પરિપત્ર મુજબ, નવી ચુકવણી પ્રણાલી 1 માર્ચથી અમલમાં આવી છે.

National